Тус хэлтсийн үйл ажиллагааны төлөвлөгөөний дагуу 2021 оны 11 сарын 12-ны өдөр Төв аймгийн үсчин, гоо сайханч нарт стандарт, тохирлын үнэлгээ, баталгаажуулалтын талаарх мэдлэг ойлголт өгөх, стандартын хэрэгжилтийг хангуулах зорилгоор цахим сургалтыг зохион байгууллаа.
Сургалтаар ахуйн үйлчилгээний салбарын нэгэн чиглэл үсчин, гоо сайхны үйлчилгээнд мөрдөх хууль тогтоомж, стандартын талаар танилцуулсан ба сургалтад аймгийн 10 сумын нийт 30 үсчин, гоо сайханч нарыг хамруулан, холбогдох гарын авлагаар хангалаа.
Дараах сэдвийн хүрээнд сургалтыг хэрэгжүүлсэн. Үүнд:
- Үс засах үйлчилгээнд тавих шаардлага MNS 5160:2020
- Гоёлын гоо заслын үйлчилгээнд тавих шаардлага MNS 5567:2006
- Хумс заслын үйлчилгээ. Ерөнхий шаардлага MNS 6843:2020
- Алжаал тайлах бариа заслын үйлчилгээнд тавих шаардлага MNS 6922:2021
- Засгийн газрын 2018 оны 291 тогтоолоор баталсан “Тохирлын баталгаанд заавал хамруулах бүтээгдэхүүн, үйлчилгээний жагсаалт”
- Стандартын мэдээллийг авах, цахим худалдан авалт
