Стандарт, хэмжил зүйн газрын Стратеги төлөвлөгөө, Аймгийн Засаг даргын 2020-2024 оны үйл ажиллагааны мөрийн хөтөлбөр, Стандартчилал, техникийн зохицуулалт, тохирлын үнэлгээний итгэмжлэлийн тухай хуулийн 13-р зүйлийн 13.2, 13.3-р заалт, “Хэмжил зүйн тухай” хууль, түүнтэй нийцүүлэн эрх бүхий байгууллагаас гаргасан хууль эрхийн актуудыг орон нутагт хэрэгжүүлнэ.
Амьдралын чанарыг сайжруулна.
https://www.youtube.com/watch?v=9IS138arxcA
Дээрх линкээр орж танилцнуу
Байгууллагын эрхэм зорилго:
Монгол Улсын хөгжлийн стратеги, чиг хандлагад нийцүүлэн улс орон, нийгэм, эдийн засгийн аюулгүй байдлыг хангаж, экспортыг нэмэгдүүлж, үндэсний үйлдвэрлэлийг хөгжүүлэхэд стандарчилал, хэмжил зүй, тохирлын үнэлгээ, сорьцын хяналтын бодлогоор дэмжлэг үзүүлэхэд оршино.
Байгууллагын стратегийн зорилт:
Стандарт, хэмжил зүйн газрын Стратеги төлөвлөгөө, Аймгийн засаг даргын 2020-2024 оны үйл ажиллагааны мөрийн хөтөлбөр, Стандартчилал, техникийн зохицуулалт, тохирлын үнэлгээний итгэмжлэлийн тухай хуулийн 13-р зүйлийн 13.2, 13.3-р заалт, “Хэмжил зүйн тухай” хууль, түүнтэй нийцүүлэн эрх бүхий байгууллагаас гаргасан хууль эрхийн актуудыг орон нутагт хэрэгжүүлнэ.
Эрхэм Таныг Төв аймгийн Стандарт, хэмжил зүйн хэлтсийн цахим хуудсанд зочилж байгаад талархал илэрхийлье.
Төв аймгийн Стандарт хэмжилзүйн хэлтэс нь Монгол Улсын Засгийн газрын тохируулагч агентлаг Стандарт, хэмжилзүйн газраас мэргэжлийн арга зүйгээр хангагдан итгэмжлэгдсэн баталгаажуулалтын алба, хэмжилзүйн лаборатори, стандартын мэдээлэл, лавлагааны салбар сантайгаар үйл ажиллагаагаа явуулж байна. Тус хэлтэс нь Төв аймгийн нутаг дэвсгэрт Стандартчилал, техникийн зохицуулалт, тохирлын үнэлгээний итгэмжлэлийн тухай хууль, Хэмжил зүйн тухай хууль, Хэрэглэгчийн эрхийг хамгаалах тухай хуулиудыг болон холбогдох бусад хууль тогтоомж түүнийг үндэслэн эрх бүхий байгууллагаас нийтээр дагаж мөрдөхөөр тогтоосон дүрэм, журмыг хэрэгжүүлж, бүтээгдэхүүн ажил үйлчилгээний чанар өрсөлдөх чадварыг дээшлүүлэх, эдийн засгийн аюулгүй байдлыг хангах, нийтийн ашиг сонирхол, хүний эрүүл мэнд, байгаль орчин, хэрэглэгчийн эрх ашгийг хамгаалах, хэмжлийн нэгдмэл байдлыг хангахад үндсэн үйл ажиллагааг чиглүүлэн ажилладаг.
Манай хамт олон сахилга хариуцлагатайгаар төрийн байгууллагуудыг манлайлан ажиллаж, төрийн үйлчилгээг хөнгөн шуурхай чанартайгаар Аймаг орон нутгийн хөгжлийн стратеги чиг хандлагад нийцүүлэн нийгэм, эдийн засгийн аюулгүй байдлыг хангаж, үндэсний үйлдвэрлэлийг хөгжүүлэхэд стандартчилал, хэмжил зүй, тохирлын үнэлгээ, сорьцын хяналтын бодлого, үйл ажиллагаагаар дэмжлэг үзүүлж орон нутгийнхаа хөгжилд бодит хувь нэмэр оруулах төлөө хичээн ажиллаж байна.
Та манай цахим хуудаснаас Төв аймгийн Стандарт, Хэмжил зүйн хэлтэс, түүний эрхэм зорилго, эрх зүйн зохицуулалт, тус байгууллагаас иргэдэд үзүүлж буй үйлчилгээний талаархи бүхий л мэдээ, мэдээллийг цаг алдалгүй авах боломжтой болохыг тэмдэглэж байна.
Манай байгууллагын цахим хуудсанд зочилсон Танд талархал илэрхийлэхийн зэрэгцээ эрүүл энх, сайн сайхан бүхнийг хүсэн ерөөж, Стандарт, хэмжилзүйн хэлтсийн хамт олны халуун мэндчилгээг дэвшүүлье.
Стандарт, хэмжил зүйн байгууллагад илгээсэн Та бүхний ажил хэрэгч санал, хүсэлт, зөвлөгөө, мэдээ, мэдээлэл бидний үйл ажиллагаанд, үнэтэй хувь нэмрээ оруулах тул манай үүд хаалга үргэлж танд нээлттэй байх болно
ХҮНДЭТГЭСЭН:
ТӨВ АЙМГИЙН СТАНДАРТ, ХЭМЖИЛ ЗҮЙН ХЭЛТСИЙН ДАРГА
ДАШЗЭГВИЙН БАТСАЙХАН
Стандарт, хэмжилзүйн хэлтэс нь Төв аймгийн хэмжээнд стандартчилал, хэмжилзүйн бодлогыг хэрэгжүүлэгч Засаг даргын дэргэдэх агентлаг юм. Тус хэлтэс нь Монгол Улсын Засгийн газрын тохируулагч агентлаг Стандарт, хэмжил зүйн газраас мэргэжлийн арга зүйгээр хангагдан итгэмжлэгдсэн баталгаажуулалтын алба, хэмжилзүйн лаборатори, стандартын мэдээлэл, лавлагааны салбар сан, захиргаа аж ахуй гэсэн үндсэн бүтэцтэйгээр үйл ажиллагаагаа явуулж байна. Тус хэлтэс нь Чанарын менежментийн тогтолцоо “ISO 9001” олон улсын стандарыг нэвтрүүлсэн Төв аймгийн анхдагч байгууллага юм.
Стандарт, хэмжил зүйн хэлтсийн үндсэн чиг үүрэг
Эрх зүйн орчин
Он тооллын хуудас
Монгол улсад Ардын хувьсгал ялж, улс орон маань хөгжлийн шинэ замд шилжин үндэсний аж үйлдвэр, худалдаа, соёл, шинжлэх ухааны салбарууд аажмаар үүсэж хөгжиж эхэлжээ. 1923 оны 1 дүгээр сарын 10-ны өдөр харьяат комиссын гишүүдийн хуралдааны 34 дүгээр хурлаас Сангийн яаманд хэмжүүрийн байцаагч-түшмэл 1, хэмжүүр засах дархан 2-ын орон тоог баталжээ. Энэ үед тус улсад хууль, дүрмээр тогтоогдсон үндэсний хэмжүүр байгаагүй, гадаадын худалдаачид өөрсдийн хэмжүүртэй наймаа хийхдээ ард иргэдийг хэмжлийн зөрүүлгээр мөлжих явдал гарч байжээ. Иймд 1924 оны 3 дугаар сарын 28-ны өдрийн хурлаар Сангийн болон эдийн засгийн яамнаас боловсруулсан “Монгол улсын аливаа хэмжүүрийн дүрэм”-ийг батлан, Монгол улсад мөрдөх хэмжүүрийн нэгжийг тогтоосон нь хэмжил зүй, стандартчиллын байгууллагын эх үүсгэл болж, өдгөө 20 аймагт салбар нэгжтэй, стандартчилал, тохирлын үнэлгээ, итгэмжлэл, хэмжилзүй, хэмжүүр баталгаажуулалт, сорьц тогтоох чиглэлээр өргөн цар хүрээтэй үйл ажиллагаа явуулдаг байгууллага болон хөгжөөд байна.
