1. Гранд пиглет ХХК

“Гранд Пиглет” ХХК нь 2013 оноос Төв аймгийн Баянцогт суманд үйл ажиллагаа явуулдаг. Тус үйлдвэр нь зориулалтын тоног төхөөрөмжөөр тоноглогдсон эрчимжсэн гахайн аж ахуйд махны чиглэлийн өндөр ашиг шим бүхий ландерс, дюрок, иоркшир үүлдрийн гахайг нутагшуулж, стандартын шаардлага хангасан мах боловсруулах үйлдвэрт эрүүл органик мах бэлтгэн зах зээлд нийлүүлдэг. Гранд Пиглет ХХК нь үүсгэн байгуулагдсан цагаасаа хойш үйл ажиллагаагаа тасралтгүй өргөтгөн шинэчилж орчин үеийн дэвшилтэт техник технологийг үйлдвэрлэлдээ нэвтрүүлж ирсэн. Grand pork гахайн хэсэглэж ангилсан мах нь Төв аймгийн Стандарт, хэмжил зүйн хэлтээс 3 дахь удаагаа тохирлын үнэлгээнд хамрагдаж гэрчилгээжин стандартын шаардлага хангасан бүтээгдэхүүнээр хэрэглэгчдэд үйлчилж байна. Гахайн Аж Ахуйн Цогцолбор үйлдвэртээ Хүнсний Аюулгүй Байдлын Удирдлагын Тогтолцоо буюу ISO 22000 Олон Улсын Стандартыг нэвтрүүлэхээр ажиллаж байна_