Тус хурлаар Зуунмод, Эрдэнэ, Угтаалцайдам, Баянцогт, Өндөрширээт, Сүмбэр, Баянчандмань сумдын бүтээгдэхүүн, үйлчилгээнд тохирлын үнэлгээ хийсэн тайланг хэлэлцэж, хурлын шийдвэрээр тус сумдын 48 худалдаа, 4 нийтийн хоол, 3 амралтын газрын үйлчилгээ, 2 нэр төрлийн бүтээгдэхүүнд /Зуунмод суманд үйл ажиллагаа эрхэлж буй Морьт хангай ХХК-ны Чингис даймонд өвөрмөц архи 0.5л, 0.75л, Баянчандмань суманд үйл ажиллагаа эрхэлж буй Баянбараат оргил ХХК-ны Нутгийн талх/ зэрэг бүтээгдэхүүн, үйлчилгээнд тохирлын гэрчилгээг 1-2 жилийн хугацаатай олгох, сунгах шийдвэрийг гаргалаа.
Тохирлын үнэлгээнд хамрагдан стандартын шаардлага хангаж тохирлын гэрчилгээтэй үйл ажиллагаа явуулах нь бүтээгдэхүүн үйлчилгээний аюулгүй байдал хангагдах, өрсөлдөх чадвар нэмэгдэх, хэрэглэгчийн эрх ашгийг хамгаалах ач холбогдолтой юм.
