Дондовын Дунхорол нь 1942 онд Төв аймгийн Өндөрширээт сумын “Нүхт хаяа” гэдэг газар эцэг Махболын Гааданийн 2 дугаар хүү болон төрсөн. Эцэг Гаадан нь Булган аймгийн Авзага сумын уугуул. Өөрийн ээжийн эцэг Долгорын Дондовоор овоглодог. Өвөг эцгийн ээж Долгор нь Богдын уран хатгамалч, оёдолчин байжээ. Өвөг эцэг Д.Дондов нь сумандаа ашигт малтмалын анхны ордыг нээсэн ба сумын анхны бага сургуулийн байрыг барьсан барилгач, сийлбэрч хүн байсан. Өвөг эцгийн ах Чүлтэмсүрэн нь бурхан шашныг хөгжүүлэхэд хүчин зүтгэн өндөр Жанрайсагын байшин сүмийг барилцсан уран барилгач, зураач хүн байсан. Төрсөн ах Г.Дунбүрээ нь чөлөөт уран бүтээлч уран зураачын мэргэжилтэй. Монгол Улсын соёлын гавъяат зүтгэлтэн цолтой. Эхнэр С.Ичинхорлоо нь Булган аймгийн Хутаг өндөр сумын харъяат 5 хүүхэд төрүүлж өсгөсөн. Эхийн алдар 2 дугаар зэргийн одонтой. Төрийн шагнал Алтангадас одонгоор шагнуулсан. Том охин Нарантуяа нь “Могол” ноосны үйлдвэрт мастер, хүү Болдбаатар нь Аймгийн “Төв АЗА” ТӨХК-ны захирал, охин Сарантуяа, Энхтуяа нь Дархан хотын ХААДС, ШУТИС-ийн багш, охин Оюунтуяа нь Хүмүүн цогцолбор сургуульд багшийн ажлуудыг хийж байна. Одоо 19 ач зээ гуч нартай байна.
Д.Дунхорол нь 1951-1955 онд бага сургууль. 1955-1961 онд Өндөрширээт сумын ба Улаанбаатар хотын 3 дугаар бүрэн дунд сургууль, 1961-1965 онд Эдийн засгийн дээд сургуулийг төгссөж. Эдийн засгийн дээд мэргэжил эзэмшсэн. 1987-1989 онд МЛИС-ийг төгсөн улс төрийн дээд боловсрол эзэмшсний зэрэгцээ 2004 онд Засгийн газрын дэргэдэх удирдлагын академид Нийгмийн удирдлагаар мэргэжил дээшлүүлсэн.
Д.Дунхорол нь Ардчилсан хувьсгалын анхдагч, ахмад зүтгэлтэн мөн. 1990 онд Монголын сэргэн мандал, МҮАНамд гишүүнээр элссэн. Одоо Ардчилсан намын гишүүн. Зуунмод сумын 1,2 дугаар багийн намын хэсгийн ахлагчаар ажиллаж байв. Аймагт зохиогдсон 1990 оны анхны улс төрийн өлсгөлөнгийн ажиллагаанд оролцож Аймгийн дарга Ж.Гомбожавыг огцоруулах цуглаан өлсгөлөнгийн талбайд хийдийн лам нарыг авчиран хурал хуруулж байв. МҮАН-ын аймгийн намын хороог байгуулах анхны хурлыг гардан зохион байгуулж байв. Ардчилсан хувьсгалын 18,20 жилийн ойгоор “МоАХ, Ардчилсан хувьсгал Төв аймагт” номыг зохион хэвлүүлж, аймгийн орон нутгийн судлах музейд Ардчилын булан нээсэн. Мөн “Хэрэглэгчдийн хөдөлгөөн Төв аймагт” номыг хэвлүүлсэн. 2004-2019 онд Аймгийн Ардчилсан холбооны удирдах гишүүнээр сонгогдон ажиллаж, 2005-2013 онд Аймгийн Ардчилсан холбоонд даргын ажлыг хийж байсан. МоАХолбооны ба Ардчилсан намын 3,4 дүгээр их хуралд төлөөлөгчөөр сонгогдон оролцсон. Аймаг сумын ИТХ-ыг сонгох 2012 оны сонгуульд Ардчилсан намыг олонхи болгож аймагт төрийн эрхийг бариулах түүхэн эргэлт хийжээ. Аймгийн 13 суманд Ардчилсан нам олонхи болсон. Улсад 54 жил ажилласнаас Аймгийн ХЭАХН, Аймгийн Ардчилсан холбооны сонгуульт ажлыг 16-28 жил хийж байна. Аймагт ХЭАХН-ийн салбар зөвлөлийг 27 суманд ажиллуулж 200 гаруй сонгуулийн идэвхтэнтэй болж аймагтаа Монголын ХЭАХНҮ холбоо аймгийн ХЭАХН-ийн шагналтан 238 байгууллага ААН иргэдийг төрүүлэн хэрэглэгчийн 41 баталгаат бүтээгдэхүүнтэй болж улсын хэмжээнд ажил нь тогтворжин, сайжирсан нийгэмлэг болж чадлаа. Мөн МоАХолбооны салбар зөвлөлийг 27 суманд ажиллуулж 800 гаруй МоАХолбооны гишүүнтэй боллоо. Аймаг сумын ИТХ-ын төлөөлөгчөөр 2-4 удаа сонгогдож байлаа. Зуунмод сумын Үндэсний бөхийн холбоог 2009 онд байгуулж ажилуулсан байна. Д.Дунхорол нь суманд 2 удаа түрүүлж сумын заан цолтой. Хөл бөмбөгийн улсын тэмцээнд удаа дараалан оролцож улсын 2 дугаар зэргийн тамирчин байлаа.