Стандарт хэмжил зүйн салбар үүсэн байгуулагдсаны 100 жилийн ойг тохиолдуулан Төв аймгийн Стандарт хэмжил зүйн хэлтсээс санаачлан Аймгуудын Стандарт хэмжил зүйн хэлтсүүдийн товч танилцуулгыг цувралаар хүргэж байна.
Говь-Алтай аймгийн Стандарт, хэмжил зүйн хэлтэс нь 1981 онд Үнэ стандартын улсын хорооны тогтоолын дагуу Аймгийн ардын депутатуудын хурлын Гүйцэтгэх захиргааны дэргэд Үнэ чанарын хэлтэс нэртэйгээр байгуулагдсан. 1985 онд Стандарт, чанарын хяналтын хэлтэс, 1992 онд Стандартчилал, хэмжил зүйн төв, 2008 онд Стандартчилал, хэмжил зүйн хэлтэс, 2016 оноос Стандарт, хэмжил зүйн хэлтэс нэртэйгээр зохион байгуулагдсан. Тус хэлтэс нь байгуулагдсан цагаас эхлэн 42 жилийн хугацаанд орон нутагт Стандартчилал, тохирлын үнэлгээний баталгаажуулалт, Хэмжих хэрэгслийн шалгалт баталгаажуулалт, Хэмжил зүйн хяналт шалгалт, Сорьцын хяналтын хяналт шалгалт, Стандартын салбар сан, сургалт мэдээлэл, Сорилтын лабораторийн чиглэлээр үйл ажиллагаа явуулж өргөжин тэлсээр байна.
Хэмжил зүйн алба, Баталгаажуулалтын алба, Сорилтын нэгдсэн лаборатори гэсэн бүтэцтэй, нийт 20 албан хаагчтайгаар үйл ажиллагаа явуулж байна.
