Зуунмод сумын Засаг даргын 2021 оны А/355 тоот захирамжаар “Бүх нийтээр мод тарих үндэсний өдөр”-ийг Зуунмод хотод 10 дугаар сарын 07-ны өдрөөс эхлэн 1 сарын аян болгон зарласан. Мод тарих сарын аяны хүрээнд “Эко Төв аймаг-эко” өдөр арга хэмжээг өрнүүлж, мод бутанд цэнэг усалгаа хийх, бүх нийтийн их цэвэрлэгээ хийх ажлыг тус тус зохион байгуулж байна.
Төв аймгийн Стандарт, хэмжил зүйн хэлтсийн хамт олон намрын мод тарих өдрийг угтан зохион байгуулж буй уг арга хэмжээнд батлагдсан удирдамж хуваарийн дагуу гар бие оролцож Ногоон паспорт, Ногоон төгөл “Цэцэрлэгт Хүрээлэн”-д 10 ширхэг мод бутанд 600 литр усаар цэнэг усалгааг хийж 3 ширхэг улиас мод суулгалаа.