Монгол түмний үндэсний “Сар шинийн баяр” болох гэж байгаатай холбоотойгоор жил бүр гоёл чимэглэл, үнэт эдлэлийн худалдан авалт нэмэгддэг. Ийм үед хэрэглэгчийн эрх ашгийг зөрчих, чанар стандартын шаардлага хангаагүй гоёл чимэглэлийн бүтээгдэхүүн зарж, худалдан борлуулах зөрчлүүд гарч болзошгүй.
Үүнээс урьдчилан сэргийлэх үүднээс Төв аймгийн Стандарт, хэмжил зүйн хэлтсийн ажлын хэсэг Зуунмод сумын хэмжээнд үйл ажиллагаа явуулдаг үнэт эдлэл худалдан борлуулж буй аж ахуйн нэгж, иргэдийн үйлчилгээнд Мөнгөн аяга.Ерөнхий шаардлага MNS 6505:2015 стандарт, Монгол улсад үйлдвэрлэсэн үнэт эдлэл, үйлдвэрлэгчийн барааны тэмдэг Алтан эдлэл 333, 375, 585, 750, 916, 960, 999, Мөнгөн эдлэл 800, 835, 875, 925, 999 сорьцын баталгааны дагуу сорьцын хяналт шалгалтын ажлыг хийж гүйцэтгэлээ.
Хяналт шалгалтын хүрээнд худалдан борлуулж буй мөнгөн аяганд сорьцын хяналт хийж, үнэт эдлэл худалдан борлуулагч, үйлчлүүлэгч иргэдэд үнэт эдлэлийн баталгаа сорьцын хяналтын талаарх зөвлөмж, зурагт хуудас, СХЗГ-ын Сорьцын хяналтын улсын байцаагчийн 2022 оны 05/01 дугаартай шаадлагыг тараан ажиллалаа.