Засаг даргын 2022 оны 03 дугаар сарын 22-ны өдрийн А/156 дугаар захирамжын дагуу ахуйн үйлчилгээний зохистой дадал, ёс зүй, ур чадварыг дээшлүүлэх, ХАБЭА-н мэдлэг олгох, үсчин гоо сайхны үйлчилгээний салбарт мөрдөгдөж буй стандартын хэрэгжилтэд үнэлэлт дүгнэлт, мэргэжил арга зүйн зөвлөгөө өгөх ажлын хэсэг нийт 87 цэгт ажиллаж Стандартчилал, техникийн зохицуулалт, тохирлын үнэлгээний итгэмжлэлийн тухай хууль, Үс засах үйлчилгээнд тавих шаардлага MNS 5160:2020, “Гоёлын гоо заслын үйлчилгээнд тавих шаардлага “ MNS 5567:2006, “Хумс заслын үйлчилгээ. Ерөнхий шаардлага” MNS 6843:2020 стандартын хэрэгжилтийг дүгнэхэд стандартын шаардлагуудаас зарим үйлчилгээ ялангуяа хумс заслын үйлчилгээ худалдааны төв дотор ил задгай байрших, үйлчилгээний дотоод журам зэрэг дотооддоо мөрдөх баримт бичгийг баталж хэрэгжүүлэх, ажилчдыг сургалтанд хамруулах, ажлын орчныг цэвэр цэмцгэр, эрүүл ахуйн шаардлагад нийцүүлэх, дотоод хяналтыг хэрэгжүүлэх ажлууд хангалтгүй дүгнэгдэж байгаа нийтлэг дутагдал байлаа. Иймд шаардлага хангаагүй заалтыг хэрэгжүүлэн стандартын нийцлийг хангах арга зүйн зөвлөмж өглөө.