Иргэдэд чанартай, стандартын шаардлагад нийцсэн ахуйн үйлчилгээг үзүүлэх, иргэдийн хөдөлмөр эрхлэлтийг дэмжиж, ядуурлыг бууруулах, жижиг, дунд үйлдвэр, үйлчилгээг хөгжүүлэхэд ахуйн үйлчилгээний салбарын гүйцэтгэх үүргийг нэмэгдүүлэх зорилгоор Засгийн газрын 2019 оны 418 дугаар тогтоолоор батлан гаргасан “Ахуйн үйлчилгээний салбарыг хөгжүүлэх үндэсний хөтөлбөр” болон Орхон аймгийн Засаг даргын үйл ажиллагааны хөтөлбөрт тусгагдсан “ахуйн үйлчилгээг хөгжүүлэх “ зорилтыг хэрэгжүүлэх хүрээнд тус аймгийн Засаг даргын 2022 оны 03 дугаар сарын 22-ны өдрийн А/156 дугаар захирамжын дагуу орон нутгийн төсвөөс санхүүжүүлэн, ахуйн үйлчилгээний зохистой дадал, ёс зүй, ур чадварыг дээшлүүлэх, ХАБЭА-н мэдлэг олгох, үсчин гоо сайхны үйлчилгээний салбарт мөрдөгдөж буй стандартын хэрэгжилтэд үнэлэлт дүгнэлт, мэргэжил арга зүйн зөвлөгөө өгөх чиглэлээр АЗДТамгын газрын ХБТХО-ын хэлтсийн удирдлаган дор тус аймгийн төрийн болон төрийн бус байгууллагуудын төлөөллөөс бүрдсэн ажлын хэсэг ажиллаж байна. Хөтөлбөрийн үндсэн хэрэгжүүлэгч байгууллагаар аймгийн ХХААГазар ажиллаж, МХГазар, Стандарт, хэмжил зүйн хэлтэс, Баян-Өндөр сум, ХЭХН болон салбарын төрийн бус байгууллагууд болох үсчин, гоо сайханчдын холбоод хамтран оролцож байна. Тухайлбал: тус ажлын хэсгээс 2022 оны 03 дугаар сарын 29, 30 - ны өдрүүдэд үсчин, гоо, сайхан, хумс заслын үйлчилгээ эрхлэгч болон ажлын байр түрээслэгчдэд зориулан зохион байгуулсан сургалтанд оролцон Стандартчилал, техникийн зохицуулалт, тохирлын үнэлгээний итгэмжлэлийн тухай хууль, Бүтээгдэхүүн, үйлчилгээний баталгаажуулалтын тухай, Үс засах үйлчилгээнд тавих шаардлага MNS 5160:2020 стандартын танилцуулгыг хийж, холбогдох стандартаар хангалаа. Сургалтанд Үсчин, гоо, сайхан, хумс заслын үйлчилгээ эрхлэгч 131 иргэн хамрагдсан байна. Сургалтаар олж авсан мэдлэгийг дээшлүүлэх, бататгах зорилгоор 5-р сарын 10-ны өдөр танин мэдэхүйн “АХА” тэмцээн зохион байгуулахад Стандарт хэмжил зүйн хэлтсээс “Үс засах үйлчилгээнд тавих шаардлага” MNS 5160:2020, “Гоёлын гоо заслын үйлчилгээнд тавих шаардлага “ MNS 5567:2006, “Хумс заслын үйлчилгээ. Ерөнхий шаардлага” MNS 6843:2020, “Стандартчилал, техникийн зохицуулалт, тохирлын үнэлгээний итгэмжлэлийн тухай хууль” - ийн холбогдох заалтуудаар асуулт бэлтгэн хамтран оролцож, амжилттай оролцсон 3 хүнд дурсамж мөнгөн шагнал, холбогдох стандартуудыг өгч урамшууллаа.
Орон нутгийн EBS TV-д нийт хэрэглэгчдэд стандартад нийцсэн үйлчилгээг нотлох “ Тохирлын гэрчилгээ “ болон “Баталгаажсан үйлчилгээ” тэмдэгтэй үйлчилгээг сонгон үйлчлүүлэх талаар мэдээлэл өглөө
