2024.03.02-ний өдөр Орхон аймгийн хөгжлийн 2024 оны төлөвлөгөөнд тусгагдсаны дагуу хүнсний аюулгүй байдлыг хангуулах, сайжруулах зорилгоор Хөгжлийн шийдэл ТТБ-ын Best хөтөлбөр, Эдийн засгийн ногоон шилжилт төсөл, Эрүүл мэндийн газар, Хүнс, хөдөө аж ахуйн газартай хамтран хүнсний үйлдвэрлэл эрхлэгчдэд чиглэсэн сургалт зохион байгуулагдлаа. Тус сургалтад Стандарт, Хэмжил зүйн хэлтсийн хими, нян судлалын лабораторийн эрхлэгч О.Заяа “Лабораторийн үйл ажиллагааны танилцуулга”, “Лабораторид дээж хүлээлгэн өгөх аргачлал”, нян судлалын шинжээч Ц.Алтанзул “Хүнсний бүтээгдэхүүн дэх бичил биетний аюулгүй болон эрүүл ахуйн шалгуур үзүүлэлтүүд”, химийн шинжээч Э.Төгсөө “Хүнсний бүтээгдэхүүний химийн аюулгүй үзүүлэлтүүд” сэдвүүдээр хоол үйлдвэрлэл эрхлэгчдэд тус тус мэдээлэл өгч оролцлоо.