Санхүүгийн зохицуулах хорооноос Үнэт метал, үнэт чулуу тэдгээрээр хийсэн эдлэлийн арилжаа эрхлэгчдэд зориулсан цахим сургалтыг Стандарт, хэмжил зүйн газартай хамтран 2 сарын 22-ны өдөр зохион байгууллаа. Сургалтад Орхон аймгийн Сорьцын хяналтын улсын байцаагч болон Үнэт метал, үнэт чулуу тэдгээрээр хийсэн эдлэлийн арилжаа эрхлэгч иргэн, аж ахуйн нэгжийн 10 төлөөлөл нийт 11 хүн оролцлоо.

Сургалтаар Үнэт эдлэлийн салбарын талаарх товч танилцуулга, Үнэт металл, үнэт чулууны, эсхүл тэдгээрээр хийсэн эдлэлийн арилжаа эрхлэгчийн тусгай зөвшөөрлийн нөхцөл шаардлага, бүртгэлтэй холбоотой анхаарах асуудал, Мөнгө угаах болон терроризмыг санхүүжүүлэхтэй тэмцэх үйл ажиллагаа, Зайны болон газар дээрх хяналт шалгалт, анхаарах асуудал зэрэг сэдвээр Санхүүгийн зохицуулах хорооноос, Үнэт эдлэлийн сорьцын талаар СХЗГазрын сорьцын хяналтын газраас, Үнэт металл, үнэт чулууны арилжаа эрхлэгчдийн үндэсний холбооноос тус байгууллагын үйл ажиллагааны талаар товч танилцуулга, мэдээллийг оролцогчдод хүргэлээ.

Үнэт металл, үнэт чулууны, эсхүл тэдгээрээр хийсэн эдлэлийн арилжаа эрхлэгч аливаа этгээд нь Санхүүгийн зохицуулах хороонд бүртгүүлэн, тусгай зөвшөөрөл авахгүйгээр үйлчилгээг эрхлэх боломжгүй. Мөн хууль, журамд заасны дагуу тусгай зөвшөөрөлгүй, сорьцын баталгаагүй, стандартад нийцээгүй бүтээгдэхүүн худалдах болон үйлчилгээ үзүүлсэн тохиолдолд хуульд заасан хариуцлага хүлээх юм.