Эрсдэлийн үндэсний форум Монгол Улсын Шадар сайдын ивээл дор “Эрсдэл ба стандарт” сэдвийн хүрээнд улс орон даяар зохион байгуулагдсан бөгөөд Орхон аймгийн салбар хэлэлцүүлэгт төр, хувийн хэвшил, иргэний нийгэм, хэвлэл мэдээллийн байгууллагын  120 төлөөлөгч оролцлоо.

     Эрсдэлийн үндэсний форумын салбар хэлэлцүүлгээр Орхон аймагт учирч буй болон учирч болзошгүй эрсдэлт хүчин зүйлс, тэдгээрээс урьдчилан сэргийлэх, таслан зогсоох арга замын талаар хэлэлцэж, бодит шийдлийг эрэлхийлж, иргэд, аж ахуйн саналыг сонсох зорилготойгоор зохион байгуулагдлаа.

       Уг арга хэмжээг Орхон аймгийн Засаг даргын Тамгын газар, Баян-Өндөр, Жаргалант сумын Засаг даргын Тамгын газар, Онцгой байдлын газар, Стандарт, хэмжил зүйн хэлтэс хамтран, аймгийн Засаг даргын Тамгын газрын их танхимд зохион байгуулсан.

       Эрсдэлийн үндэсний форумын салбар хэлэлцүүлэгт Орхон аймгийн засаг дарга, Орхон аймгийн гамшгийн эрсдэлийг бууруулах орон нутгийн зөвлөлийн дарга болон Онцгой байдлын газар, Стандарт, хэмжил зүйн хэлтэс, Эрүүл мэндийн газар, Ус, цаг уур орчны шинжилгээний төв зэрэг 12 байгууллагаас нийт 15 илтгэл тавьсан.

    Форумаас гарсан шийдлийг нэгтгэж, эрсдэлт хүчин зүйлсээс урьдчилан сэргийлэх арга хэмжээ болон цаашид хийж хэрэгжүүлэх ажлын талаар Орхон аймгийн засаг дарга С.Батжаргал  үг хэлж, дараах уриалгыг дэвшүүлэн форумыг хаав.

СТАНДАРТАА МӨРДӨЖ, ЭРСДЭЛЭЭ БУУРУУЛЪЯ!