Стандарт, хэмжил зүйн газар нь Стандартчилал, техникийн зохицуулалт, тохирлын үнэлгээний итгэмжлэлийн тухай хуульд заасан бүрэн эрх, чиг үүргийг хэрэгжүүлэн ажилладаг бөгөөд Үндэсний станартыг батлах, бүртгэх, түүний албан ёсны эхийг хадгалах, олон нийтэд мэдээлэх, түгээх чиг үүргийнхээ хүрээнд стандарт, техникийн зохицуулалтын талаарх олон нийтийн мэдлэг, ойлголтыг нэмэгдүүлэх, хэрэгжилтийг бүх салбарт хангуулах зорилгоор “ЮМАНД ХЭМЖЭЭ БИЙ” Үндэсний хэмжээний нөлөөллийн аяныг эхлүүлсэн.
Уг аянаар дамжуулан салбар бүрд стандартын шаардлага хангаагүй бүх хэлбэртэй үл эвлэрэх, стандартыг зөрчсөн үйлдлийг таслан зогсоох, стандарт мөрдөөгүй, зөрчсөн үйлдэлд шаардлага тавих, зөрчлийг цаг алдалгүй арилгуулах, стандартыг салбар бүрд чанд мөрдүүлэх, улмаар иргэд, олон нийтийн стандартын талаарх мэдлэг, ойлголтыг нэмэгдүүлэхэд түлхэц үзүүлэх зорилготой юм.
Орхон аймагт дээрх аяныг эрчимжүүлэн, 2023 оны 10 дугаар сарын 09-нөөс 11 дүгээр сарын 09-ний өдрийг хүртэл “Бүтээгдэхүүн, үйлчилгээний стандарт, чанарыг дээшлүүлэх сарын аян”-ыг зохион байгуулж байна.
Тус ажлын хүрээнд 2023 оны 10 дугаар сарын 13-нд Амарын талбай дээр Нээлттэй өдөрлөгийг зохион байгуулах бөгөөд уг өдөрлөгт баталгаажсан бүтээгдэхүүн үйлчилгээ болон тохирлын тэмдэгтэй байгууллагууд оролцох тул иргэд, хэрэглэгчдийг идэвхтэй оролцохыг урьж байна.