СХЗХ-ийн хими, нян судлал, таримал ургамлын үр хорио цээрийн лабораторид орон нутгийн төсвийн хөрөнгө оруулалтаар их засварын ажил бүрэн хийгдэж өнөөдөр нээлтээ хийлээ.

Нээлтийн үйл ажиллагаанд Орхон аймгийн засаг дарга М.Түмэнжаргал, Санхүү, төрийн сангийн хэлтсийн дарга Л.Галсансайнхувьт болон хэлтсийн дарга, албан хаагчид оролцлоо.

Тус лаборатори нь 195м.кв нийтийн орон сууцны зориулалттай байранд  ажиллагаагаа явуулдаг бөгөөд сүүлийн жилүүдэд засвар үйлчилгээ хийгдээгүйн улмаас үйл ажиллагаа явуулахад нэлээн хүндрэлтэй болсон байсан бөгөөд ийнхүү засвар үйлчилгээ хийгдэж, лабораторийн шаардлага хангасан орчин нөхцөл, сүүлийн үеийн шинжилгээ судалгааны багажтайгаар үйл ажиллагаа нь жигдэрч байна.

Манай лаборатори хүнсний шинжилгээ, гадаад орчны шинжилгээ, ахуйн бүтээгдэхүүний шинжилгээ, орчны эрүүл зүй гэсэн 4 төрлийн сорилт шинжилгээг, 8 орон тооны бүрэлдэхүүнтэйгээр MNS ISO/IEC 17025:2018 стандартын итгэмжлэлийн хүрээнд үйл ажиллагаагаа явуулж байна.