Стандарт, хэмжил зүйн газрын даргын 2023 оны "Чиглэл, мэдээлэл хүргүүлэх тухай" 01/117 дугаартай албан бичгийн дагуу 21 аймаг, 9 дүүрэгт зохион байгуулагдаж байгаа “Төрөөс Стандартчилал, хэмжил зүйн талаар баримтлах бодлого”, “Стандарт ба хөгжил” үндэсний хөтөлбөрийн төслийг оролцогч болон сонирхогч талуудад танилцуулах хэлэлцүүлгийг Сүхбаатар аймгийн Стандарт, хэмжил зүйн хэлтэс нь орон нутагтаа цахим болон танхимын хэлбэрээр зохион байгуулахаар удирдамж гарган, хэлтсийн даргаар батлуулан, хэрэгжүүлж эхлээд байна.

Эхний хэлэлцүүлгийг 2023.02.28-ны өдөр танхимын хэлбэрээр аймгийн ЗДТГ, Эрүүл мэндийн газар, Онцгой байдлын газар, Нийгмийн даатгалын хэлтэс, Соёл урлагийн газар, Татварын хэлтэс, Гэр бүл хүүхэд залуучуудын хөгжлийн газар, МҮХАҮТ-н Сүхбаатар аймаг дахь салбар, Сүхбаатар хөгжил ҮТП зэрэг 14 төрийн болон төрийн бус байгууллагын төлөөлүүдийг хамруулан зохион байгуулаа.

Энэхүү хэлэлцүүлэгт оролцогчдоос хөтөлбөрийн төсөлд 4 санал, нэмэлт өөрлөлт оруулах 3 санал тус тус гарлаа.

/Цахим болон танхимын хэлбэрээр зохион байгуулсан хэлэлцүүлгүүдээс гарсан саналуудыг нэгтгэн 3-р сарын 15-нд Улаанбаатар хотод, Стандарт, хэмжил зүйн газарт болох нэгдсэн хэлэлцүүлэгт танилцуулна./