Тус өдөрлөгийн үеэр 20 гаруй худалдаа, үйлчилгээ, нийтийн хоол болон бүтээгдэхүүн үйлдвэрлэгчдийг хамруулан СХЗХ-ийн ахлах мэргэжилтэн Ц.Өлзийжаргал, Сургалт, мэдээлэл, стандартын салбар сан хариуцсан мэргэжилтэн Б.Мөнхжаргал, Сорилтын лабораторийн эрхлэгч Н.Цолмонтуяа, ХХААГ-ын Хүнсний чанар, стандартын хяналтын улсын ахлах байцаагч Т.Амарбат, Мал үржлийн улсын байцаагч Б.Ариунтуяа нар холбогдох сургалтуудыг зохион байгуулж, АХА тэмцээн зохион байгууллаа.

Сургалт, мэдээлэл, стандартын салбар сан хариуцсан мэргэжилтэн Б.Мөнхжаргал Түмэнцогт сумын цэцэрлэгийн нийт ажилчидад MNS 7005 : 2023 Ерөнхий боловсролын сургууль, дотуур байр, цэцэрлэгийн хоол үйлдвэрлэл, үйлчилгээнд тавих шаардлага, MNS 6558 : 2015 Сургуулийн өмнөх боловсролын байгууллагын сургалтын орчин. Ерөнхий шаардлага стандартуудаар сургалт зохион байгууллаа.

Хэлтсийн нийт албан хаагчид Түмэнцогт сумын төв талбайд иргэдэд үйлчлэх Нээлттэй хаалганы өдөр арга хэмжээг зохион байгуулж, 4 төрлийн гарын авлага түгээж, иргэдийн санал хүсэлтийг авч, хэмжих хэрэгслийн баталгаажуулалт, стандарын салбар сан, сорилтын лаборатори, бүтээгдэхүүн, ажил үйлчилгээний баталгаажуулалт зэрэг төрийн үйлчилгээг хүргэж ажиллалаа.

Үүнд:

-Уул уурхай, худалдаа үйлчилгээ эмнэлэг, эмийн сан, ШТС-ын хэмжих хэрэгслийн баталгаажуулалт,

-Сорилтын лабораторийн сорилт шинжилгээ,

- Худалдаа үйлчилгээ, нийтийн хоол эрхлэгч аж ахуй нэгжүүдэд үнэлгээ хийж Тохирлын гэрчилгээг сунгалаа.