МУ-ын Засгийн газрын тохируулагч агентлаг Стандарт, хэмжил зүйн газар Монголын Үндэсний Олон Нийтийн Радио Телевиз хамтын ажиллагааны санамж бичиг байгууллаа. Стандарт, хэмжил зүйн газрын дарга С.Батбаатар, Монголын Үндэсний Олон Нийтийн Радио Телевизийн захирал А.Бүрэнбаатар нар өнөөдөр /2024.02.20/-ны өдөр үзэглэлээ.
Энэхүү санамж бичигт талууд дараах чиглэлээр хамтран ажиллахаар тусгасан байна. Тодруулбал, Стандартчилал, хэмжил зүйн чиглэлээр олон нийтийн ойлголтыг нэмэгдүүлэхэд талууд салбар дундын хамтарсан ажлыг эрчимжүүлэх, хамтарсан төсөл хөтөлбөрүүдийг хэрэгжүүлэх, төр-хувийн хэвшлийн хамтын ажиллагааг хөгжүүлэх, холбогдох судалгааны мэдээ, мэдээлэл, материал солилцох зэрэг ажлыг эрчимжүүлэхээр хамтран ажиллах юм.
