Монгол-Хятадын экспо дөрөв дэх удаагийн арга хэмжээнд СХЗГ-ын төлөөллүүд оролцож байна
Монгол-Хятадын экспо дөрөв дэх удаагийн арга хэмжээнд СХЗГ-ын төлөөллүүд оролцож байна
 

Өвөр Монголын өөртөө засах орны Чанар, стандартчиллын судалгааны хүрээлэнгийн үйл ажиллагаатай Стандарт хэмжил зүйн газрын даргын албан үүргийг түр орлон гүйцэтгэгч Б.Ууганбаяр тэргүүтэй холбогдох төлөөллүүд 2023 оны 09 сарын 05-ны өдөр танилцан, туршлага солилцлоо.

ӨМӨЗО-ны Чанар, Стандартчиллын Хүрээлэн нь дотоодын болон Олон Улсын стандартчиллын томоохон байгууллагуудтай нягт хамтран ажилладаг байгууллага юм.  Уг байгууллага Хятадын үндэсний Стандартчиллын Хүрээлэн, Хятадын Үндэсний нийтлэл дугаарын төв, Хятадын Нисэхийн иж бүрэн технологийн судалгааны хүрээлэн зэрэг үндэсний судалгааны байгууллагуудтай мөн нягт хамтран ажилладаг байна.

Чанар, стандартчиллын хүрээлэн нь сүүлийн жилүүдэд үндэсний болон бүс нутгийн 40 гаруй эрдэм шинжилгээ, судалгааны төслийг хэрэгжүүлж хөдөө аж ахуй, мал аж ахуй үйлчилгээний салбар, нийгмийн менежмент төрийн үйлчилгээ гэх зэрэг эдгээр салбарт 3 чухал үндсэн стандартын тогтолцоог бий болгосон байна. Тодруулбал, Аж үйлдвэрийн гол онцлог шинж чанаруудыг тусгасан 21 дэд систем,  58 өндөр чанарын стандартын системүүд багтсан байна.

Стандарт, хэмжил зүйн газрын ажлын хэсэг мөн "Монгол-Хятадын дөрөв дэх удаагийн Экспо" арга хэмжээнд оролцоно. Энэххүү экспо нь хоёр улсын "Иж бүрэн стратегийн түншлэлийн" хүрээнд 2 жил тутамд зохион байгуулагддаг үйл ажиллагаа бөгөөд цар тахлын улмаас завсарлаад байсан юм. Энэ удаагийн дөрөвдүгээр экспо нь өргөн цар хүрээтэйгээр 35 улс, БНХАУ-ын орон нутгийн 27 төлөөлөл нийт 3000 гаруй ААН оролцож, бараа бүтээгдэхүүнээ танилцуулж, 80.000 орчим үзэгчтэйгээр зохион байгуулагдаж байна.