Хэдхэн хоногийн өмнө 2023 оны 12 сарын 28-ны өдөр Стандарт, хэмжил зүйн газрын ахмад ажилтан Чойжилжавын Ээнзэндагва "Гавьяат эдийн засагч" цол хүртсэн билээ.

Тэгвэл өнөөдөр Стандарт, хэмжил зүйн газрын удирдлага, газрын дарга нар болон албан хаагчид хүндэтгэл үзүүлж, хүлээн авч, баяр хүргэлээ. СХЗГ-ын даргын албан үүргийг түр орлон гүйцэтгэгч Б.Ууганбаяр эрүүл энх сайн сайхныг хүсч, олон арван гавьяат ажилтан төрөн гарах болтугай хэмээн хүслээ. Мөн СХЗГ-ын ахмад ажилтан Н.Батжаргал хүрэлцэн ирж, нийт ахмадуудаа төлөөлөн СХЗГ-ын удирдлагууддаа баярлаж, талархаж буйгаа илэрхийлсэн юм.

Салбарын зүгээс жил бүрийн ахмадуудын баяр болон сар шинийн баярыг угтаж ахмадуудаа хүлээн авч хүндэтгэл үзүүлдэг уламжлалтай билээ.