Менежментийн тогтолцоог хэрэгжүүлснийг баталгаажуулсан гэрчилгээгээ гардан авлаа Стандарт, хэмжил зүйн газрын дэргэдэх Баталгаажуулалтын зөвлөлийн 3 дугаар сарын 30-ны өдрийн хурлаас хөдөлмөрийн эрүүл мэнд, аюулгүй байдлын менежментийн тогтолцоог ISO 45001:2018 стандартын дагуу хэрэгжүүлснийг баталгаажуулсан гэрчилгээг 3 байгууллагад шинээр олгох; чанарын менежментийн тогтолцоог ISO 9001:2015 стандартын шаардлагын дагуу хэрэгжүүлснийг баталгаажуулсан гэрчилгээг 4 байгууллагад шинээр, 1 байгууллагын гэрчилгээний хугацааг сунгах шийдвэрийг тус тус гаргасан. Энэ дагуу “Талх чихэр” ХК, “Грийн групп” ХХК-ийн Грийн фактори ХХК, Грийн импекс ХХК, ИНЕГ-ын харъяа Хөвсгөл аймгийн “Мөрөн” нисэх буудал, Дархан-Уул аймгийн “Улаанбаатар гурил” ХХК, “Скай сервисес” ХХК-д гэрчилгээг гардуулах арга хэмжээ өнөөдөр боллоо.