Гадаад харилцааны яаманд "Стандарт ба хөгжил" хэлэлцүүлгийг хийж, санал солилцлоо
Монгол Улсын Засгийн газар, Шадар сайдын үүрэг, чиглэлийн дагуу "Стандарт ба хөгжил" үндэсний хөтөлбөрийг Стандарт, хэмжил зүйн газраас боловсруулан, төслийн хэлэлцүүлгийг 16 яам, 20 аймагт үе шаттайгаар зохион байгуулж, дуусах шатандаа явж байна.
Гадаад харилцааны яаманд "Төрөөс стандартчилал, хэмжил зүйн талаар баримтлах бодлого”, “Стандарт ба хөгжил” үндэсний хөтөлбөрийн төслийг танилцуулан санал дүгнэлтийг хүлээн авлаа.
Тус яамны зүгээс баримт бичгийн төсөлд тусгах саналаа нэгтгэн, албан бичгээр хүргүүлэхээр боллоо.
Хэлэлцүүлгээс гарсан саналуудыг нэгтгэн 2023 оны 03 дугаар сарын 24, 25-ны өдрүүдэд Стандарт хэмжил зүйн газраас зохион байгуулах нэгдсэн хэлэлцүүлэгт танилцуулна.