ХЭМЖИЛ ЗҮЙН ЗӨВЛӨЛИЙН ЭЭЛЖИТ ХУРАЛДААНААР АЖЛЫН ХЭСГИЙН ДҮГНЭЛТҮҮДИЙГ ХЭЛЭЛЦЭН ШИЙДВЭРЛЭЛЭЭ
ХЭМЖИЛ ЗҮЙН ЗӨВЛӨЛИЙН ЭЭЛЖИТ ХУРАЛДААНААР АЖЛЫН ХЭСГИЙН ДҮГНЭЛТҮҮДИЙГ ХЭЛЭЛЦЭН ШИЙДВЭРЛЭЛЭЭ

ажлын хэсгийн дүгнэлтүүдийг хэлэлцэн шийдвэрлэлээ.
Тодруулбал, Бат-Илч ХХК-иас хүсэлт болгосон БНХАУ-ын “ZHEJIANG DIXSEN ELECTRICAL CO., LTD” –д үйлдвэрлэсэн ТТ 30-125 загварын гүйдлийн трансформаторыг Монгол Улсад ашиглахыг зөвшөөрч, хэмжил зүйн мэдээллийн улсын нэгдсэн санд 3 жилийн хугацаатай бүртгэхээр шийдвэрлэлээ. Мөн стандарт тоолуурын хэмжүүр ХХК-ийн хүсэлт болгосон БНХАУ-ын Krohne Measurement Instruments (Shanghai) Co. Ltd компанид үйлдвэрлэсэн DN (200) мм голчтой OPTIFLUX4050C загвар болон БНСУ-ын Shin Dong A Electronics компанид үйлдвэрлэсэн DN (15) мм голчтой SMF-1500BLE загварын цахилгаан соронзон ажиллагаатай цэвэр усны тоолууруудын загвар “Оргил Дельта трейд” ХХК-ийн хүсэлтээр БНХАУ (Хонг Конг)-ын “Shenzhen Well Electric Co Ltd” компанид үйлдвэрлэсэн амьсгал дахь спиртийн агууламж тогтоох хэмжүүрийн загваруудыг Монгол Улсад ашиглахыг зөвшөөрч, хэмжил зүйн мэдээллийн улсын нэгдсэн санд тус бүрт 3 жилийн хугацаатай бүртгэхээр шийдвэрлэлээ.
Үүнээс гадна Монгол Улсад ашиглахыг зөвшөөрсөн, Хэмжил зүйн мэдээллийн улсын нэгдсэн санд бүртгэгдсэн загварын дулааны тоолуур болон тооцоологч, даралт, температурын хэмжих хэрэгслийг суурилуулах “Голден гоат” ХХК, автомашины жин импортлох, суурилуулах, засварлах “Квантэталлон” ХХК, усны тоолуур импортлох, суурилуулах “Сод эгшиг” ХХК, цахилгааны тоолуур болон усны тоолуур импортлох “Монгол чилу жүшин” ХХК-иудыг Хэмжил зүйн мэдээллийн улсын нэгдсэн санд 5 жилийн хугацаатайгаар тус тус бүртгэхээр шийдвэрлэсэн байна.
ХЭМЖИЛ ЗҮЙН ЗӨВЛӨЛ

Хэлтсийн 2024 оны сургалтын төлөвлөгөөний дагуу "Цахимд хүмүн бичгээр бичих ур чадварыг нэмэгдүүлэх нь", "Хөдөлмөрийн аюулгүй байдал, эрүүл ахуй" сэдэвт сургалтууд зохион байгууллаа. 

Аймгийн Хүнс, хөдөө аж ахуйн газартай хамтарсан удирдамжийн хүрээнд Өвөрхангай аймгийн Хархорин, Бат-Өлзий, Хужирт, Бүрд, Уянга сумдын нутаг дэвсгэрт үйл ажиллагаа явуулж байгаа 25 жуулчны бааз, амралтын газарт 2024 оны 07 дугаар сарын 04-ний өдрөөс 09-ний өдрүүдэд тохирлын үнэлгээ хийж, стандартын хэрэгжилтийг сайжруулах чиглэлээр зөвлөмж өгч ажиллалаа.

Хэлтсийн дэргэдэх бүтээгдэхүүн, үйлчилгээний баталгаажуулалтын орон тооны бус зөвлөлийн зургаадугаар хурлыг 2024 оны 06 дугаар сарын 03-ны өдөр зохион байгууллаа. Хурлаар тохирлын гэрчилгээ шинээр авах хүсэлт ирүүлсэн 2 аж ахуйн нэгжийн 2 бүтээгдэхүүн, хугацаа сунгуулах хүсэлт ирүүлсэн 11 аж ахуйн нэгжийн 12 үйлчилгээний газрын тохирлын үнэлгээний дүгнэлт тайланг хэлэлцэж, шийдвэрлэлээ.

Салбарын улсын ерөнхий байцаагчийн баталсан 2024 оны 03 дугаар сарын 18-ны өдрийн 12/26-01 дугаартай удирдамжийн хүрээнд Өвөрхангай аймгийн нутаг дэвсгэрт үйл ажиллагаа эрхэлж буй хэмжүүр, хэмжих хэрэгсэл ашиглагч 14 аж ахуйн нэгж, байгууллагуудын үйл ажиллагаанд Хэмжил зүйн тухай хууль, Стандартчилал, техникийн зохицуулалт, тохирлын үнэлгээний итгэмжлэлийн тухай хууль болон тэдгээртэй нийцүүлэн баталсан дүрэм, журмын хэрэгжилт, холбогдох стандартын мөрдөлтийн байдалд стандартын хэрэгжилтийн байдалд хяналт шалгалт хийлээ. Шалгалтад газрын тосны бүтээгдэхүүний жижиглэн худалдаа эрхлэгч 4, дулаан үйлдвэрлэгч 3, ус түгээх 1, эрүүл мэндийн 5, уул уурхай 1 нийт 14 объектыг хамруулж, шалгалтаар нийт 40 зөрчлийг илрүүлэн 3 зөрчлийг газар дээр нь арилгуулж, 1 аж ахуй нэгжид зөрчлийн тухай хуулийн дагуу торгуулийн арга хэмжээг авч, улсын байцаагчийн хугацаатай 37  заалт бүхий 9 албан шаардлага, 4 зөвлөмжийг хүргүүлж ажиллалаа. Цаашид эрүүл мэнд болон дулаан үйлдвэрлэгч байгууллагын хэмжил зүйн үйл ажиллагаанд хэрэгжүүлэх саналыг боловсруулан аймгийн Эрүүл мэндийн газар, Эрчим хүчний зохицуулалх зөвлөлд албан бичгээр тус тус хүргүүлээд байна.

Салбарын улсын ерөнхий байцаагчийн баталсан 2024 оны 01 дүгээр сарын 26-ны өдрийн 12/10 дугаартай удирдамжийн хүрээнд Өвөрхангай аймагт хүнсний үйлдвэрлэл, хүнсний худалдаа эрхэлж буй 3 иргэн, 7 аж ахуйн нэгжийн үйл ажиллагаанд Хэмжил зүйн тухай хууль болон Савласан бүтээгдэхүүний тоон хэмжээнд хэмжил зүйн хяналт, шалгалт хийх журам, холбогдох стандартын хэрэгжилтийн байдалд хяналт шалгалт хийлээ. Шалгалтад 3 худалдааны газар, 7 хүнсний үйлдвэрлэл нийт 10 объектыг хамруулж, шалгалтаар 14 зөрчлийг илрүүлэн баталгаагүй хэмжих хэрэгсэл ашигласан 6 зөрчлийг газар дээр нь арилгуулж, улсын байцаагчдын хугацаатай 8 заалт бүхий 2 албан шаардлага, 7 зөвлөмжийг хүргүүлж ажиллалаа.

Дэлхийн гэр бүлийн өдөр болон ОУ-ын хүүхдийн эрхийг хамгаалах өдрийг тохиолдуулан Стандарт, хэмжил зүйн хэлтсийн эцэг, эхийн зөвлөл нь аймгийн Насан туршийн суралцахуйн төвтэй хамтран албан хаагчдадаа "Хайраар хүмүүжүүлэхүй" сургалтыг зохион байгууллаа. Тус сургалт нь хүүхдийн хүмүүжлийн эерэг арга, эцэг эхийн гаргадаг зарим алдаа, үе хоорондын ялгааны талаар сурган, сэтгэл судлалын судалгааг үндэслэсэн маш хэрэгцээтэй, үр дүнтэй сургалт боллоо.
Албан хаагчдынхаа алдрай бяцхан үрсийг хүлээн авч, дурсамж дүүрэн нэг өдрийг өнгөрүүллээ. Тус арга хэмжээг хэлтсийн эцэг, эхийн зөвлөлөөс зохион байгуулсан бөгөөд албан хаагчдынхаа цэцэрлэгийн насны хүүхдүүдийн дунд "Бяцхан авьяастан" дууны уралдаан, сургуулийн бага ангийн сурагчдын дунд гар зургийн уралдаан, дунд ахлах ангийн сурагчдын дунд эсээ бичлэгийн уралдаан зарлаж, шагналт байрууд шалгаруулан өргөмжлөл, үнэ бүхий зүйлсээр шагнан урамшууллаа.
“Дэлхийн хэмжил зүйн өдөр”-ийг тэмдэглэн өнгөрүүлэх ажлын хүрээнд “Хэмжих хэрэгсэл баталгаажуулалт ба хэмжил зүйн хяналт, шалгалт” сэдэвт уулзалтыг 2024 оны 05 сарын 24-ний өдөр зохион байгууллаа. Тус уулзалтад Аймгийн Засаг даргын орлогч О.Сумъяасүрэн, Эрүүл мэндийн газрын дарга Д.Шивааннүрдэв, Эрчим хүчний зохицуулах зөвлөлийн мэргэжилтэн Д.Алтансувд, "Онги Ус Суваг" ТБОНӨОХХК-ийн ерөнхий инженер Б.Даваадагва, Төв бараан захад лангуу, талбай түрээслүүлэгч "Занабазар" ХХК-ийн менежер Р.Нарантуяа нар болон "Ариунсанаа", "Ачтан Ирээдүй" эмнэлгийн төлөөллүүд оролцож эрүүл мэндийн салбарын, дулаан үйлдвэрлэгч байгууллагуудын, худалдаа, үйлчилгээнд ашиглах хэмжих хэрэгслийн баталгаажуулалтын ажлын чанарыг сайжруулах, хяналт шалгалтаар илэрсэн зөрчил дутагдал, цаашид авч хэрэгжүүлэх арга хэмжээний саналыг хэрэгжүүлэх, аж ахуйн нэгж, байгууллагын хэмжил зүйн дотоод хяналтыг эрчимжүүлэх асуудлаар харилцан санал солилцлоо.