Стандарт, хэмжил зүйн газрын даргын албан үүргийг түр орлон гүйцэтгэгч Б.Ууганбаяр болон холбогдох нэгжийн дарга нар Эрчим хүчний зохицуулах хорооны Эрчим хүчний хэмнэлтийн газрын дарга З.Цэнджав, Азийн хөгжлийн банкны эдийн засагч Дөк Тран болон холбогдох мэргэжилтнүүдийн төлөөллийг хүлээн авч уулзлаа.
Энэхүү уулзалтаар Эрчим хүчний зохицуулах хороо болон Азийн хөгжлийн банкны хамтран хэрэгжүүлэхээр төлөвлөж буй “Эрчим хүчний хэмнэлтийн болон хөрөнгө оруулалтын зохицуулалтын орчныг сайжруулах нь” төслийн танилцуулгыг хийж, Стандарт, хэмжил зүйн газар нь уг төслийг үр дүнтэй хэрэгжүүлэхэд бодлого, түүний хэрэгжилтийг хангах гол байгууллага гэдгийг төлөөлөгчид онцлон тэмдэглэв.
Стандарт, хэмжил зүйн газрын удирдлагын зүгээс тус төслийг амжилттай хэрэгжүүлэхэд шаардагдах мэргэшлийн болон бодлогын дэмжлэг, хамтын ажиллагаагаар хангаж ажиллахад бэлэн гэдгээ илэрхийлэв.
