БНХАУ-ын Чэндү хотноо “Чанарын V дугаар Их Хурал” есдүгээр сарын 01-03-ний өдрүүдэд болж өндөрлөлөө.

Монгол Улсын талаас СХЗГ-ын даргын албан үүргийг түр орлон гүйцэтгэгч Б.Ууганбаяр, Бүтээгдэхүүн тогтолцоо баталгаажуулалтын газрын дарга В.Ганзориг нар төлөөлөн оролцсон бол БНХАУ-ын талаас Зах зээлийн зохицуулалтын удирдах газрын Дэд захирал Ноён Яао Лэй, Хятадын Баталгаажуулалт, итгэмжлэлийн нийгэмлэгийн Дэд дарга, Ерөнхий нарийн бичгийн дарга Ноён Хуан Жишиан, Өвөр Монголын Өөртөө Засах Орны Ардын Засгийн газрын Дэд Ерөнхийлөгч Ноён Чи Бату зэрэг төрийн болон хувийн хэвшлийн олон төлөөллүүд оролцлоо.

 

Уг хуралд гадаадын 20 гаруй орны зочид төлөөлөгчид оролцсоноос Олон Улсын Стандартчиллын байгууллага (ISO)-ын Ерөнхийлөгч хатагтай Улрика Франке, Олон Улсын Цахилгаан техникийн хороо (IEC)-ны Ерөнхийлөгч Ноён Жо Копс, Дэд ерөнхийлөгч Ноён Шаун Полсен, Булангийн орнуудын Хамтын ажиллагааны зөвлөлийн Стандартчиллын байгууллага (GSO)-ын Ерөнхийлөгч ноён Сауд Нассер Алхусайби нар илтгэл, мэдээлэл хийж, баяр хүргэлээ.

 

 

СХЗГ-ын даргын албан үүргийг түр орлон гүйцэтгэгч Б.Ууганбаяр, Бүтээгдэхүүн тогтолцоо баталгаажуулалтын газрын дарга В.Ганзориг нар Олон Улсын Стандартчиллын Байгууллага (ISO)-ын Ерөнхийлөгч хатагтай Улрика Франке, Олон Улсын Цахилгаан техникийн хороо (IEC)-ны Ерөнхийлөгч Ноён Жо Копс, Дэд ерөнхийлөгч Ноён Шаун Полсен, Булангийн орнуудын хамтын ажиллагааны зөвлөлийн Стандартчиллын байгууллага (GSO)-ын Ерөнхийлөгч Ноён Сауд Нассер Алхусайби, БНХАУ-ын Зах зээлийн зохицуулалтын удирдах газар (SAMR)-ын Дэд захирал Ноён Яао Лэй, Өвөр Монголын Өөртөө Засах Орны Ардын Засгийн газрын Дэд Ерөнхийлөгч Ноён Чи Бату, Сичуан мужийн ардын их хурлын Удирдах зөвлөлийн дэд захирал Ноён Ван Фей нартай биечлэн уулзаж, өмнөх ололт амжилтыг цохон тэмдэглэж, хамтын ажиллагааг улам бататган, шинэ шатанд хөгжүүлэх, статусаа нэмэгдүүлэх талаар санал солилцлоо.

 

Дээрх байгууллагуудын тэргүүн нар СХЗГ-тай хамтын ажиллагааг улам өргөжүүлж, бүх талаар дэмжин ажиллахаа илэрхийлсэн юм.

Түүнчлэн ӨМӨЗО-ны Хөх хотод 2023 оны 09 дүгээр сарын 06-10-ны хооронд зохион байгуулагдах Монгол-Хятадын V экспогийн үеэр БНХАУ-ын Стандартчиллын удирдах газар (SAC), Баталгаажуулалт, итгэмжлэлийн удирдах газар (CNCA) зэрэг байгууллагуудтай албан уулзалт хийж, холбогдох чиглэлээр хэлэлцээр хийнэ.