Монгол Улсын Засгийн газар, Шадар сайдын зүгээс Стандарт, хэмжил зүйн салбарын шинэчлэлд онцгой анхаарч, иргэдийн эрүүл мэнд, хүрээлэн буй орчин, улс орны аюулгүй байдал, нийтийн ашиг сонирхлыг хамгаалах, олон нийтэд стандартын боловсрол олгох соён гэгээрүүлэх зорилгоор “Стандарт ба хөгжил” үндэсний хөтөлбөр боловсруулан хэрэгжүүлсэн.
Хөтөлбөрийн хүрээнд 2023 оны 02 дугаар сарын 09-нөөс 03 дугаар сарын 30-ны өдрүүдэд Төрийн захиргааны төв байгууллагууд, аймгуудын Стандарт, хэмжил зүйн хэлтэс тус бүр олон нийтийн хэлэлцүүлгийг зохион байгууллаа. Уг хэлэлцүүлэгт оролцогчдоос 6987 орчим санал бичгээр болон цахим шуудангаар хүлээн аваад байна.
“Стандарт ба хөгжил” үндэсний хөтөлбөрийн нэгдсэн хэлэлцүүлгийг 2023 оны 03 дугаар сарын 30-ний өдөр буюу Пүрэв гаригт "Чингис хаан" үндэсний музейн хүндэтгэлийн танхимд зохион байгуулагдах юм.
Хэлэлцүүлэгт Монгол Улсын Шадар сайд С.Амарсайхан, ЗГХЭГ-ын дарга Д.Амарбаясгалан, МҮХАҮТ-ын Ерөнхийлөгч О.Амартүвшин, ШӨХТГ-ын дарга Ц.Уртнасан болон нийслэл, орон нутгийн иргэдийн 280 гаруй төлөөлөл оролцоно.