Байгаль орчны стандартчиллын техникийн хорооны 2023 оны 3 дугаар сарын 29-ний өдрийн хуралдаанаар хэлэлцэн Стандарт, хэмжил зүйн газрын даргын 2023 оны 4 сарын 17-ны өдрийн С/15 дугаар тушаалаар “Эвдэрсэн газрыг ургамалжуулах техникийн ерөнхий шаардлага MNS 5918:2008-г MNS 5918:2023” болгон шинэчлэн баталлаа.

Ийнхүү дахин хянаж шинэчлэлт хийсэн онцлог нь эвдэрсэн газрыг ургамалжуулах нөхөн сэргээлт хийхдээ тарих ургамлын зүйлийг байгалийн (ургамалжилтын) бүс, бүслүүр /уулын ойт хээрийн бүслүүр, хээрийн бүс, цөлөрхөг хээр, цөлийн бүс, уулын нуга, голын татмын нуга, нам хотос/ -т тухайн ургамлын ургах чадварыг харгалзан мод бут сөөг тарих шаардлагуудыг оруулж өгсөн.

Энэхүү стандартын хамрах хүрээ нь байгалийн гамшиг, хүний үйл ажиллагаа буюу газар тариалан, хот суурингийн барилга байгууламж, төмөр зам, засмал зам, уул уурхай, худаг, бууц орчим)-гаар эвдэрсэн газарт биологийн нөхөн сэргээлт хийхэд хамаарна.