Дэлхий нийтийг хамарсан ковид-19 цар тахал нь ажил олгогчийн өмнө эрүүл, аюулгүй ажлын байрыг бий болгох, ажилтны болон үйлчлүүлэгчийн амь нас, эрүүл мэндийг хамгаалахад шинэ сорилтуудыг бий болгож байна.
Үйл ажиллагаагаа үр дүнтэй үргэлжлүүлж, ажилтнуудаа хамгаалахад чиглэсэн цогц бөгөөд ерөнхий зааварчилгаа(ISO/PAS 45005)-г Олон Улсын Стандартчиллын Байгууллага (ISO)-ын хөдөлмөрийн аюулгүй байдал, эрүүл ахуйн мэргэжилтнүүд боловсруулан гаргасан.
“Хөдөлмөрийн эрүүл мэнд, аюулгүй байдлын менежмент. COVID-19 цар тахлын үед аюулгүй ажиллах ерөнхий зааварчилгаа MNS ISO/PAS 45005:2021” стандартыг танилцуулах цахим сургалтыг Бүтээгдэхүүн, тогтолцооны баталгаажуулалтын газраас 2021 оны 4 дүгээр сарын 23-ны өдөр үнэ төлбөргүй зохион байгууллаа. Цахим сургалтад менежментийн тогтолцооны стандартыг үйл ажиллагаандаа хэрэгжүүлж гэрчилгээжсэн байгууллагуудын төлөөлөл оролцлоо.
Ковид-19-ийн үед ажилтнуудыг хэрхэн эрүүл, аюулгүй ажиллуулах тал дээр олон улсын шилдэг туршлагуудыг нэгтгэсэн энэхүү стандартыг бизнесийн болон үзүүлж буй үйлчилгээний шинж чанар, хэмжээ, нарийн төвөгтэй байдлаас үл хамааран цар тахлын үеэр үйл ажиллагаа нь хэвийн явагдаж байгаа; цар тахлын үеэр үйл ажиллагаа нь хэвийн явагдаж байгаа; бүрэн буюу хэсэгчлэн хаагдсан ажлын байрандаа эргэн орж байгаа; үйл ажиллагаагаа шинээр эхэлж байгаа байгаа байгууллагууд хэрэглэх боломжтой юм.
Стандартыг https://estandard.gov.mn/covid19/v/182 линкээс татан авах боломжтой.