Хүнсний хангамж, аюулгүй байдлыг хангах талаар авах зарим арга хэмжээний тухай"  улсын их хурлын 2022 оны 36 дугаар тогтоолыг хэрэгжүүлэгч төрийн байгууллагуудын 2 дахь удаагийн зөвлөлдөх уулзалт 2023 оны 06 сарын 27-нд төрийн ордонд зохион байгуулагдлаа.

Энэ удаад 2023 оны 01 дүгээр сард хийсэн зөвлөлдөх уулзалтаар гарсан шийдвэр болон төрийн байгууллагуудын хэрэгжүүлсэн ажлуудын явцтай танилцаж, цаашид хэрэгжүүлэх ажлуудыг эрчимжуүлэх талаар мэдээлэл солилцож, үүрэг даалгавар өгч ажилалаа.

Уг тогтоол нь 5 бүлэг 42 хэрэгжүүлэх ажил, арга хэмжээний төлөвлөгөө нь 114 үйл ажиллагаа бүхий бөгөөд хэрэгжүүлэхэд 35 төрийн байгууллага хариуцсан болон хамтран хэрэгжүүлэх үүрэгтэйгээр оролцох юм байна. Энэхүү тогтоол хэрэгжснээр Монгол улсын хүн амын хүнсний хангамж, аюулгүй байдлыг хангах цаашлаад хүнс үйлдвэрлэгч, экспортлогч орон болоход томоохон түлхэц болох юм.

Стандарт, хэмжил зүйн газар /СХЗГ/ нь  тус төлөвлөгөөний 1.1.8 - Стандартчилал, техникийн зохицуулалт, тохирлын үнэлгээний итгэмжлэлийн тухай хуульд нэмэлт, өөрчлөлт оруулах тухай хуулийн төслийг боловсруулж, УИХ-д өргөн мэдүүлэх гэсэн үйл ажиллагааны хүрээнд Стандартчилал, тохирлын үнэлгээний бодлого, хэрэгжилтийн асуудлыг олон улсын түвшинд хүргэх асуудлыг судлан үзэж, хууль эрх зүйн орчныг боловсронгуй болгох санал боловсруулан танилцуулах ажлын хэсгийг Ерөнхий сайдын 2022 оны 10 дугаар сарын 07-ны өдрийн 159 дүгээр захирамжаар байгуулагдсан.

Тус ажлын хэсэгт дэмжлэг үзүүлэх зорилго бүхий ажлын Дэд хэсэг Монгол Улсын Шадар сайдын 2022 оны 10 дугаар сарын 26-ны өдрийн 80 дугаар тушаалаар байгуулагдсан бөгөөд ажлын дэд хэсгийн гишүүд салбар салбартаа Стандартчилал, техникийн зохицуулалт, тохирлын үнэлгээний итгэмжлэлийн тухай хуульд нэмэлт, өөрчлөлт оруулах асуудлыг хэлэлцэн, саналыг нэгтгэсэн байна.

Мөн Стандарт, хэмжил зүйн газраас 20 аймаг дахь Стандарт, хэмжил зүйн хэлтсээрээ дамжуулан иргэд, олон нийтээс санал авах үйл ажиллагааг зохион байгуулж, саналыг нэгтгэн боловсруулж Хуулийн төслийн үзэл баримтлалын төсөл болон хуульд нэмэлт, өөрчлөлт оруулах тухай хуулийн төслийг Монгол Улсын Шадар сайдад танилцуулса юм.

Хуулийн төслийн үзэл баримтлалын төслийг Монгол Улсын Шадар сайд, Хууль зүй, дотоод хэргийн сайд хамтран баталах юм байна.

Хуулийн төслийн үзэл баримтлалын төсөл батлагдсаны дараа Хууль тогтоомжийн хуульд заасны дагуу эрх, хууль ёсны ашиг сонирхол нь хөндөгдөх иргэн, хуулийн этгээдийн төлөөлөл, олон нийтээр хуульд нэмэлт, өөрчлөлт оруулах тухай хуулийн төслийг хэлэлцүүлэх, санал авах үйл ажиллагааг зохион байгуулна.

Хуулийн төслийн үзэл баримтлалын төсөл болон хуульд нэмэлт өөрчлөлт оруулах тухай хуулийн төсөлд хувийн хэвшлийн тохирлын үнэлгээний байгууллагуудыг нэмж бий болгох, үйл ажиллагааг нь бодлогоор дэмжих, эрх, үүргийг нарийвчлан тусгах, хариуцлагыг нэмэгдүүлэх болон баталгаажуулалтын ажил, үйлчилгээний төлбөрийг чөлөөт зах зээлийн үнэ тарифтай уялдуулан тогтоохтой холбоотой зохицуулалтыг шинээр тусгасан байна.