Монгол Улсын Засгийн Газар, Шадар сайдын чиглэл үүргийн дагуу Стандарт, хэмжил зүйн газраас “Улсын хэмжээнд 16 яам, 21 аймаг, 9 дүүрэгт “Стандарт ба хөгжил” үндэсний хөтөлбөрийг 2023 оны 02 дугаар сарын 27-ны өдрөөс эхлэн 03 дугаар сарын 10-ны өдрүүдэд зохион байгууллаа.
Хөтөлбөрийн хүрээнд Уул уурхай, хүнд үйлдвэрийн яаманд 2023 оны 03 дугаар сарын 03-ны өдөр төрийн байгууллагын санал авах хэлэлцүүлгийг хийлээ.
Хэлэлцүүлгийн эхэнд, Стандарт, хэмжил зүйн газрын хэмжил зүйн бодлогын дарга Д.Нарангэрэл: “Төрөөс стандарт, хэмжил зүйн талаар баримтлах бодлого”, “Стандарт ба хөгжил” үндэсний хөтөлбөрийг боловсруулан салбар дундын хамтын ажиллагааг хангах зорилгоор баримт бичгүүдийн төслийг боловсруулж буй талаар танилцуулсан юм. Тус яамны зүгээс үндэсний хөтөлбөрт тусгах саналаа албан бичгээр хүргүүлэхээр боллоо.
Баримт бичгүүдийн төсөлд төрийн болон төрийн бус байгууллага, иргэд, олон нийт, сонирхогч талуудын саналыг авах ажил үргэлжилж байна.
Дашрамд дурдахад: Та бүхний саналыг mams@masm.gov.mn email хаягаар хүлээн авч байна.