Стандарт, хэмжил зүйн газрын алба хаагчдийн тангараг өргөх ёслолын үйл ажиллагаа 2023 оны 07 дугаар сарын 07-ны өдөр боллоо.
Засгийн газрын агентлагийн эрх зүйн байдлын тухай хуулийн 8 дугаар зүйлийн 8.4 дэх хэсэг, Төрийн албаны тухай хуулийн 36 дугаар зүйл, Монгол Улсын Ерөнхийлөгчийн 1995 оны 109 дүгээр зарлигаар баталсан “Төрийн захиргааны албан хаагчийн тангараг өргөх ёслолын журам”-ын дагуу ёслолын үйл ажиллагааг Стандарт, хэмжил зүйн газрын төрийн албаны зөвлөлийн дарга Б.Ууганбаяр нээж, тангараг өргүүлэх ажлыг удирдан явууллаа.
Төрийн албаны мэргэшлийн шалгалт өгч, тэнцсэн Стандарт, хэмжил зүйн салбарын 9 ажилтан энэ өдөр “Эх орон, ард түмнийхээ төлөө эрдэм чадлаа зориулж, төрийн хууль, ёс зүйн хэм хэмжээг чанд сахиж албан үүргээ үнэнч шударгаар биелүүлэхээ тангараглая. Тангарагаа няцвал хуулийн хариуцлага хүлээнэ” хэмээн Төрийн жинхэнэ албан хаагчид тангараг өргөлөө. Үүнд:
- Баянхонгор аймаг дахь Стандарт, хэмжил зүйн хэлтсийн дарга Намсрайн Шагдарсүрэн,
- Хэмжил зүйн бодлогын газрын Хэмжил зүйн хүрээлэнгийн Урт, цаг давтамжийн эталон хариуцсан ахлах мэргэжилтэн Лхагвасүрэнгийн Энхжаргал,
- Хяналт-шинжилгээ, үнэлгээ, дотоод аудитын газрын мэргэжилтэн Батсайханы Туяасайхан,
- Сорьцын хяналтын газрын Сорьцын хяналтын асуудал хариуцсан ахлах мэргэжилтэн Жадамбаагийн Батбаатар,
- Эрдэнийн чулууны мэргэжилтэн Бямбасүрэнгийн Гэрэл,
- Бүтээгдэхүүн, тогтолцооны баталгаажуулалтын газрын Баталгаажуулалтын мэдээллийн нэгдсэн сан хариуцсан мэргэжилтэн Отгонбаярын Ундрам,
- Хэмжих хэрэгслийн шалгалт, баталгаажуулалтын газрын Эзлэхүүн зарцуулалтын хэмжих хэрэгслийн шалгалт баталгаажуулалтын мэргэжилтэн Мөнхжаргалын Эрдэнэсүрэн,
- Стандартчилал, тохирлын үнэлгээний бодлогын газрын Техникийн хороо хариуцсан мэргэжилтэн Сүрэнжавын Буяндэлгэр,
- Энхтуяагийн Эрдэнэцэцэг нар тангарагаа өргөлөө.
Стандарт, хэмжил зүйн газрын даргын албан үүргийг түр орлон гүйцэтгэгч Б.Ууганбаяр ёслолын үйл ажиллагааны үеэр Төрийн жинхэнэ албан хаагчдын тангараг өргөсөн хүмүүст салбарын нэрийн өмнөөс амжилт хүсч, өргөсөн тангарагтай үнэнч, амжилт бүтээл дүүрэн ажиллахыг хүсэж, төрийн жинхэнэ албан хаагч болсон ажилтнуудад төрд хоёргүй сэтгэлээр зүтгэж, төрийн үйлчилгээг иргэдэд түргэн шуурхай хүргэхийг захьсан юм.