Төрийн албаны зөвлөлийн 2023 оны 12 дугаар сарын 13-ны өдрийн хуралдаанаар Стандарт, хэмжил зүйн газарт Төрийн албаны салбар зөвлөлийг ажиллуулах шийдвэр гарлаа.

Төрийн албаны салбар зөвлөл байгуулагдсанаар Стандарт, хэмжил зүйн газар болон 21 аймаг дахь Стандарт, хэмжил зүйн хэлтэст Төрийн албаны шинэтгэлийн бодлого, төрийн албаны тухай хууль тогтоомж, дүрэм журмын дагуу салбарын онцлогтой уялдуулан төрийн албаны хүний нөөцийн удирдлагатай холбоотой чиг үүргийг түргэн шуурхай хэрэгжүүлэх, төрийн жинхэнэ албан хаагчийг бэлтгэх, мэргэшүүлэх, тогтвор суурьшилтай ажиллуулах, нийгмийн баталгааг хангах, төрийн үйлчилгээг тасралтгүй, хүртээмжтэй, хэвийн явуулах нөхцөл бүрдэх ач холбогдолтой юм.