Монгол Улсын Ерөнхийлөгчийн санаачилсан “Тэрбум мод” үндэсний хөдөлгөөний нээлт энэ өдрүүдэд орон даяар болж байгаа билээ. Энэхүү хөдөлгөөнд Стандарт, хэмжил зүйн газрын албан хаагчид нэгдэж, мод тарих арга хэмжээнд гар бие оролцлоо. Тус хөдөлгөөнд нийслэл болон орон нутгийн 20 салбар хэлтсүүд нэгдэж, өргөн бүрэлдэхүүнээр оролцож буй юм. Энэ үеэр СХЗГ-ын дарга Б.Билгүүн хэлэхдээ “Мод тарих нэг өөр, ургуулах тусдаа асуудал байдаг. Манай улсад мод тарих 51 бүрэн хэмжээний стандарт байдаг. Үүнд нүхээ хэрхэн ухахаас эхлээд усалж ургуулах хүртэл бүх стандарт байгаа. Энэ хөдөлгөөнд нэгдэж, мод тарих бүх иргэн, аж ахуй нэгжүүд энэхүү стандарттай манай вэб сайтаас үнэ төлбөргүй үзэж танилцах боломжтой. Энэхүү үндэсний хөдөлгөөн цаашдаа улам өргөжин тэлж, манай улс цөлжилтгүй, ногоон улс болох болтугай гэсэн ерөөлийг тавья” гэсэн юм.
