СХЗГ-ын Захиргаа,удирдлагын газрын дарга Б.Ууганбаяраар ахлуулсан ажлын хэсэг Архангай аймгийн СХЗХ-ийн үйл ажиллагаатай танилцаж, зөвлөн тусаллаа.
Энэ үеэр аймгийн Засаг дарга М.Батжаргалтай уулзаж Стандартчилал, хэмжил зүйн үйл ажиллагааны цар хүрээг нэмэгдүүлэх, тус аймгийн Стандарт, хэмжил зүйн хэлтэст тулгамдаж буй асуудлаар харилцан ярилцав.
Тус хэлтсийн хэмжил зүйн лабораторийг орчин үеийн эталон тоног төхөөрөмжөөр хангах, ажилчдын нийгмийн баталгааг хангах зэрэг асуудлыг шийдэхэд дэмжлэг үзүүлэхийг хүсэж, хамтран ажиллах талаар мэдээлэл солилцсон ба Стандарт, хэмжил зүйн хэлтсийн хэмжил зүйн лабораторийн эталон тоног төхөөрөмжийг нэмэгдүүлэх, шинэчлэх ажлуудыг үе шаттайгаар шийдвэрлэнэ гэдгээ аймгийн Засаг дарга М.Батжаргал илэрхийлэв. Түүнчлэн “Стандарттай Архангай” хөтөлбөрийн хүрээнд аймгийн ЗД-ын нэрэмжит “Чанарыг эрхэмлэгч байгууллага” шагналыг бий болгон аж ахуйн нэгж байгууллагуудыг шалгаруулж урамшуулж байгаа ба цаашид үнэ цэнийг улам нэмэгдүүлж, үйл ажиллагаа тогтмолжуулна гэдгээ тэрээр уламжлав.
Ажлын хэсэг Агентлагийн даргын баталсан удирдамжийн хүрээнд Архангай аймгийн Стандарт, хэмжил зүйн хэлтсийн даргын ажлыг хүлээлцэн шинээр томилогдсон дарга Д.Хүрэлсүхэд Стандарт, хэмжил зүйн газрын бодлого, зорилт, цаашид хэрэгжүүлэх арга хэмжээний талаар чиглэл өгч ажлын амжилт хүсэхийн зэрэгцээ тэтгэвэр тогтоолгох насанд хүрч төрийн албанаас чөлөөлөгдөж буй Г.Батбаатар даргад хүндэтгэл үзүүлж эрүүл энх сайн сайхныг хүсэв.