Стандартчилал, Хэмжил зүйн ажилтны өдөр болон Дэлхийн стандартын өдрийг тохиолдуулан СХЗГ тэргүүний албан хаагчдадаа шагнал гардууллаа. Монгол Улсын ерөнхийлөгчийн зарлигаар Стандарт, хэмжил зүйн газрын Стандартчилал, тохирлын үнэлгээний бодлогын газрын ахлах мэргэжилтэн Ц.Бурмаа төрийн дээд одон медаль “Алтан гадас”, Монгол Улсын Шадар сайдын шийдвэрээр, Стандартын мэдээлэл лавлагаа, сургалтын төвийн ахлах мэргэжилтэн Ч.Хатанбаатар, тус төвийн мэргэжилтэн Х.Энхцэцэг, Сорьцын хяналтын газрын зохион байгуулагч Ч.Наранбаяр, үйлчлэгч Ш.Энхмаа нарыг Стандарт, хэмжил зүйн тэргүүний ажилтан цол тэмдгээр, мөн Сорьцын хяналтын газрын дарга Д.Бэхбатыг Банк санхүүгийн тэргүүний ажилтан цол тэмдгээр, тус газрын сорьц дарагч Н.Чимгээ, сорьц дарагч Б.Оюунсанаа, Хяналт, шинжилгээ үнэлгээ, дотоод аудитын газрын мэргэжилтэн С.Энхжаргал нарыг Монгол банкны хүндэт жуух бичгээр тус тус шагнагдсаныг Стандарт, хэмжил зүйн газрын дарга Б.Билгүүн болон даргын зөвлөлийн гишүүд Дэлхийн Стандартын өдөр Стандартчилал, Хэмжил зүйн ажилтны өдрийг тохиолдуулан гардуулан өглөө.