ӨМӨЗО-ны Хөх хотод Стандарт, хэмжил зүйн газар болон БНХАУ-ын Үндэсний зах зээлийн хяналт удирдлагын газар (SAC) хооронд нөхөрсөг уулзалт зохион байгуулагдлаа.

 

Энэхүү уулзалтад БНХАУ-ын Үндэсний зах зээлийн хяналт удирдлагын газрын төлөөлөл ӨМӨЗО-ны Хөх хотноо зохион байгуулагдаж буй Хятад-Монголын 4 дүгээр Экспод оролцсон бол Монгол Улсаас Стандарт, хэмжил зүйн газрыг төлөөлж СХЗГ-ын Даргын албан үүргийн түр орлон гүйцэтгэгч Б.Ууганбаяр, СХЗГ-ын Стандартчилал, тохирлын үнэлгээний бодлогын газрын дарга Г.Тулгаа болон СХЗГ-ын стандартчилал, тохирлын үнэлгээний холбогдох мэргэжилтнүүдийн хамт оролцсон юм.

 

Уулзалтаар:

Хамтын ажиллагааны тэргүүн чиглэлүүдийг тодорхойлсон. Үүнд:

- СХЗГ-ын хүний нөөцийг чадавхижуулах, тоног төхөөрөмж, техник хангамжийг сайжруулахад дэмжлэг үзүүлэх,

- Эрчим хүч, хөдөө аж ахуй, барилгын материал, уур амьсгал, цөлжилтийн эсрэг чиглэсэн арга хэмжээ хэрэгжүүлэх,

- Стандартыг харилцан хүлээн зөвшөөрөхөд хамтран ажиллах,

- Олон улсын стандартыг хамтран боловсруулах,

- Хамтарсан сургалт, семинар зохион байгуулах

 

Өмнө байгуулсан хамтын ажиллагааны хэлэлцээрийн хамрах хүрээнээс илүү өргөн хүрээ бүхий хэлэлцээрийг шинэчлэн байгуулах. Шинэчилсэн хэлэлцээрийн хамрах хүрээнд:

- Хятад, Монголын стандартчиллын тогтолцоог судлах, сайн туршлагыг нэвтрүүлэх,

- Хоёр улсын стандартыг ижилтгэх,

- Түлхүүр салбарууд дахь стандартыг харилцан хүлээн зөвшөөрөх,

- Шинэ дэвшилтэт технологи нэвтрүүлэхэд мэргэжил арга зүйгээр бие биеэ хангаж ажиллах,

- Мэргэжилтэн солилцооны хөтөлбөр хэрэгжүүлэх, туршлага судлах,

- Хоёр талын стандартын талаарх мэдээлэл цаг тухайд нь хүрч байх интернэтэд суурилсан платформ бий болгох,

- Мэдээллийн технологийн сайн туршлага судлах,

- СХЗГ-ын тоног төхөөрөмж, техник хангамжийг сайжруулах зэрэг асуудлыг хэлэлцэв.