Төрийн өмчийн бодлого, зохицуулалтын газраас “Төрийн өмчийг эзэмшүүлэх гэрээний маягт, дүгнэх аргачлалыг батлах тухай” 2020 оны  715 дугаар тогтоолын дагуу төрийн өмчит хуулийн этгээдтэй байгуулсан “Төрийн өмчийг эзэмшүүлэх гэрээ”-ний 2020 оны биелэлтийг дүгнэх ажил дуусч, сайн үнэлэгдсэн ажилтан, албан байгууллагуудыг тодруулжээ.

Стандарт, хэмжил зүйн газар нь Төрийн өмчийн талаарх бодлогыг хэрэгжүүлж, төрийн өмчийг эзэмшүүлэх гэрээний үүргээ сайн биелүүлж, “Үлгэр жишээ” дүгнэгдсэн тул өргөмжлөл гардлаа. Түүнчлэн Өвөрхангай аймгийн Стандарт, хэмжил зүйн хэлтсийн нягтлан бодогч В.Отгонцэцэгийг төрийн өмчийн бодлого хэрэгжүүлэх үйлст оруулсан хөдөлмөр зүтгэл, амжилтыг нь үнэлж, Төрийн өмчийн бодлого, зохицуулалтын газрын “Хүндэт Жуух Бичиг”-ээр шагнажээ.