Монгол Улсын хууль тогтоомжийг хэрэгжүүлэх, стандартчилал, тохирлын үнэлгээг боловсронгуй болгох, сорьцын үйл ажиллагааг хөгжүүлэх, хэмжлийн нэгдмэл байдлыг хангахад идэвх зүтгэл, үр бүтээлтэй ажилласан амжилтыг нь үнэлж Монгол Улсын эрчим хүчний салбарын эрхмүүдэд Монгол Улсын Шадар сайдын 2021 оны 07 дугаар сарын 09-ны өдрийн тушаалаар “Стандарт, хэмжил зүйн тэргүүний ажилтан” цол, тэмдгээр шагнасныг Стандарт, хэмжил зүйн газрын дарга Б.Билгүүн 2021 оны 09 дүгээр сарын 08-ны өдөр гардууллаа.
Эрчим хүчний яамны Бодлого төлөвлөлтийн газрын шинжээч Жамбаагийн Гэрэл, Эрчим хүчний яамны Түлшний бодлогын хэрэгжилтийг зохицуулах газрын мэргэжилтэн Нэргүйн Бэх-Очир, Эрчим хүчний яамны Эрчим хүчний эдийн засгийн хүрээлэнгийн стандартын секторын ахлах Нарангэрэлийн Тунгалаг, Диспетчерийн үндэсний төв ТӨХХК-ийн лабораторийн эрхлэгч Цэрэндамбын Баяржаргал нарт хүндэт тэмдгийг гардуулах арга хэмжээний үеэр дарга Б.Билгүүн стандарт, хэмжил зүйн салбарт эрчим хүчний чиглэлээр хүч хөдөлмөрөө зарцуулдагт нь талархал илэрхийлж, цаашид хамтран ихийг бүтээнэ гэж итгэж буйгаа онцлон тэмдэглэж, амжилт хүсэв.
vv