Стандарт, хэмжил зүйн газрын даргын 2023 оны “Чиглэл, мэдээлэл хүргүүлэх тухай” 01/117 дугаартай албан бичгийн дагуу "Стандарт ба хөгжил" үндэсний хөтөлбөрийн хэлэлцүүлгийг Завхан аймгийн Гэр бүл, хүүхэд залуучуудын хөгжлийн газрын их танхимд 2023 оны 03 дугаар сарын 01-ний өдөр болло
Энэхүү хөтөлбөрийн хүрээнд төрийн болон төрийн бус байгууллага, иргэд, оролцогч болон сонирхогч талуудад танилцуулж, санал авах хэлэлцүүлгийг төрийн албан хаагч, аж ахуйн нэгж, байгууллага, иргэдийн дунд хоёр үе шаттайгаар зохион байгуулсан байна. Хэлэлцүүлэгт төрийн болон төрийн бус байгууллага, аж ахуйн нэгж нийт 64 байгууллага, 91 хүн төлөөллөн оролцсон юм.
Хэлэлцүүлгийн үеэр “Стандарт ба хөгжил” үндэсний хөтөлбөрийн төсөлд аймгийн Нэгдсэн эмнэлэг, Аймгийн ус цаг уур, орчны шинжилгээний төв, Газрын харилцаа, барилга хот байгуулалтын газар, Таван боос ХХК-ийн төлөөллөөс нэмэх, өөрчлөх, найруулах, хасах нийт долоон санал оруулжээ.
Цаг уур, орчны хяналт шинжилгээний төвийн төлөөллөөс Лабораторийн хэмжих хэрэгслийг орон нутагт баталгаажуулдаг болох хэрэгцээ шаардлага байгааг онцоллоо.
Мөн Алтай-Улиастай эрчим хүчний төлөөллөөс орон нутгийн Стандарт, хэмжил зүйн байгууллагыг шаардлагатай эталон тоног төхөөрөмжөөр хангах ажлыг эрчимжүүлэх, тухайлбал зөөврийн цахилгаан тоолуур баталгаажуулах эталон тоног төхөөрөмжөөр хангах, чадавхжуулах шаардлагатай байгаа талаар илэрхийлсэн юм.