Жил бүрийн 10 дугаар сарын 14-ийг Дэлхийн стандартын өдөр болгон тэмдэглэдэг уламжлалтай.
Энэ жилийн Дэлхийн стандартын өдрийг “ИЛҮҮ САЙХАН ДЭЛХИЙН ТӨЛӨӨ ХАМТЫН ЗОРИЛГО ТОГТВОРТОЙ ХӨГЖЛИЙН 3-Р ЗОРИЛТЫГ ХЭРЭГЖҮҮЛЭХ” уриатайгаар тэмдэглэхээр болсон юм.
Энэ хүрээнд 10 дугаар сарын 13-нд Стандарт, хэмжил зүйн газарт Стандартчиллын техникийн хороодын өнөөгийн байдал, тулгамдаж буй асуудлууд сэдвээр хэлэлцүүлэг өрнүүлнэ.
Мөн MNS 1-1:2021, Монгол улсын Үндэсний стандартчиллын тогтолцоо. 1-р хэсэг. Техникийн ажлын журам, Стандартын бүтэц ба боловсруулах дүрэм, Техникийн хорооны хурлын дэгийн талаар товч танилцуулга мэдээлэл өгөх юм.
Манай улс 1979 онд Олон улсын стандартчиллын байгууллагад гишүүнээр элссэнээс хойш энэхүү өдрийг тэмдэглэж ирсэн билээ.