Монгол улсын засгийн газар, Шадар сайдын чиглэл үүргийн дагуу Стандарт, хэмжил зүйн газраас Төрөөс Стандарт, хэмжил зүйн талаар баримтлах бодлого, “Стандарт ба хөгжил” үндэсний хөтөлбөрийг боловсруулж, Монгол улсын хөгжлийн бодлого төлөвлөлтийн баримт бичгүүдтэй уялдуулах, салбарын тэргүүлэх чиглэлийг эрэмбэлэх, үр дүнтэй хэрэгжүүлэхэд төрийн болон төрийн бус байгууллага, аж ахуйн нэгж, иргэдийн тэгш оролцоог хангах зорилгоор “Стандарт ба хөгжил” үндэсний хөтөлбөрийн хэлэлцүүлэгийг улс орон даяар өрнүүлсэн билээ.
Үүнтэй холбоотойгоор Дундговь аймгийн Стандарт, хэмжил зүйн хэлтэст нь 2023 оны 03 дугаар сарын 03-ны өдөр үндэсний хөтөлбөрийн хэлэлцүүлгийг төрийн болон төрийн бус байгууллага, ААН, иргэдийн төлөөлөл нийт 77 төлөөллийн хамт амжилттай зохион байгуулжээ.
Хэлэлцүүлгийн үеэр замын стандарт чанарын асуудлыг хөндөн тавьж, цаашид замын стандартыг мөрдүүлэн ажиллахыг иргэн Ц.Загдсүрэн санал бодлоо илэрхийллээ. Мөн шинээр баригдсан хороололд хүүхдийн тоглоомын талбай, хогийн букер зэрэгцэн оршиж байгаад хяналт тавих, мөн орон нутгийн хотын стандартыг даруй түргэн боловсруулах талаар саналаа илэрхийллээ.