СХЗГ-ын Даргын зөвлөлийн хурал Төв аймгийн СХЗХ-т болж, төлөвлөгөөт асуудлуудаа хэлэлцсэнээс гадна Төв аймгийн СХЗХ-ийн дарга Д.Батсайхан хэлтсийнхээ өнөөгийн байдал, тулгамдсан асуудлын талаар танилцуулж, зарим асуудлаа шийдвэрлүүллээ. Мөн энэ үеэр Төв аймгийн Засаг даргын орлогч Г.Сурмаа, Тамгын газрын дарга М.Отгонбат нар СХЗГ-ын дарга Б.Билгүүн болон Даргын зөвлөлийн гишүүдийг хүлээн авч уулзаж, тус аймгийн стандарт хэмжил зүйн хэлтсийн 50 жилийн ой болох гэж буйтай холбоотойгоор тоног төхөөрөмж шинэчлэх, хүний нөөцийг чадавхжуулах чиглэлд хамтран ажиллах талаар санал бодлоо солилцлоо. Түүнчлэн Шинэ сэргэлтийн бодлогын хүрээнд Төв аймагт хийгдэх томоохон бүтээн байгуулалт дээр СХЗГ-тай хамтран ажиллах хүсэлтэй байгаагаа тус аймгийн Засаг даргын орлогч Г.Сурмаа илэрхийлсэн юм.
