Стандарт, хэмжил зүйн газар нь Жижиг, дунд үйлдвэрийн газартай хамтран “Бараа бүтээгдэхүүний чанар стандарт, тохирлын баталгаажуулалтын ач холбогдол” сэдвээр 2021 оны 04 сарын 28-ны өдөр сургалт зохион байгуулав. 

Хөтөлбөрийн дагуу Стандартчилал, тохирлын үнэлгээний бодлого, Бүтээгдэхүүн тогтолцооны баталгаажуулалт, Хөдөө аж ахуй, газар тариалан, хөнгөн үйлдвэр, Хүнс, нийтийн хоолны стандартчилал, Стандартчиллын техникийн хороод ба стандарт боловсруулах үе шат, Байгууллагын стандарт боловсруулах, шүүлт хийх, Олон улсын стандартыг бүртгүүлэн хэрэглэх зэрэг сэдвийн хүрээнд мэргэжилтнүүд мэдээлэл хийлээ.

Хугацаа	Сэдэв /Үйл ажиллагаа
14.00-14.10	Нээлтийн үг	ЖДҮГын дарга Я.Эрдэнэсайхан
14.10-14.25	Стандартчилал, тохирлын үнэлгээний бодлого	Стандартчилал, тохирлын үнэлгээний бодлогын газрын дарга Г.Батцэнгэл
14.25-14.40	Бүтээгдэхүүн тогтолцооны баталгаажуулалт	Бүтээгдэхүүн тогтолцооны баталгаажуулалтын газрын ахлах мэргэжилтэн Ч.Отгонцэцэг
14.40-14.55	Хөдөө аж ахуй, газар тариалан, хөнгөн үйлдвэрийн салбарын стандартчилал	СТҮБГ-ын мэргэжилтэн Ч.Пүрэвдулам
14.55-15.10	Хүнс, нийтийн хоолны стандартчилал	СТҮБГ-ын ахлах мэргэжилтэн Д.Даваасүрэн
15.10-15.25	Мод, модон бүтээгдэхүүний стандартчилал	СТҮБГ-ын ахлах мэргэжилтэн Г.Батзориг

Сургалтад мэргэжлийн холбоодоос 90 гаруй төрөөлөл оролцсон бөгөөд жижиг, дунд үйлдвэрлэл эрхлэгчдийн бараа, бүтээгдэхүүнд тавигдах шаардлага, гадаад, дотоодын зах зээлд нийлүүлэхэд анхаарах зүйлс, Төрийн худалдан авалтад дотоодын үйлдвэрлэлийн бүтээгдэхүүнийг нийлүүлэхэд тавих стандартын шаардлагын талаар харилцан санал бодлоо солилцож, сонирхсон асуултад  хариуллаа.

Энэхүү сургалтыг зохион байгуулснаар Мэргэжлийн холбоодоор дамжуулан жижиг, дунд бизнес эрхлэгчдийн бүтээгдэхүүнд тавигдах стандартын шаардлагыг хангуулах, тохирлын баталгаа хийлгэхийн ач холбогдлын талаарх мэдлэгийг нэмэгдүүлэх, хамтран ажиллах ая холбогдолтой юм.