Стандарт, хэмжил зүйн газрын даргын албан үүргийг түр орлон гүйцэтгэгч Б.Ууганбаяр болон харьяа нэгжийн дарга нар Багануур дүүргийн засаг дарга С.Даваасүрэн, Багануур ус ААТҮГ-ын захирал Ж.Энхбат нарыг хүлээн авч уулзлаа.
Уулзалтыг Стандарт, хэмжил зүйн газрын үйл ажиллагааг олон нийтэд сурталчлан таниулах, цар хүрээгээ өргөжүүлэх зорилгоор зохион байгуулсан юм.
Энэ үеэр Стандарт, хэмжил зүйн газрын даргын албан үүргийг түр орлон гүйцэтгэгч Б.Ууганбаяр “Багануур дүүрэг хэдий алслагдсан дүүрэг хэдий ч Улаанбаатар хотоос стандарт, хэмжил зүйн үйлчилгээ авч байгаа иргэн цаг алдалгүй Багануур дүүргээс авч чаддаг байх боломжийг хангахаар ажиллаж байна” гэв.
Ийнхүү цаашид Багануур дүүрэгт хэмжил зүйн алба нэгжийг байгуулах, усны тоолуурын баталгаажуулалтыг хийж гүйцэтгэх, бусад хэмжил зүйн баталгаажуулалтын цар хүрээг нэмэгдүүлэх чиглэлээр санал солилцсон юм.