Төрийн албаны тухай хуулийн 33 дугаар зүйл, Төрийн албаны зөвлөлийн 2023 оны 01 сарын 25-ны өдрийн 25 дугаар тогтоолоор батлагдсан “Төрийн албаны шалгалт өгөх болзол болон шатлан дэвшүүлэх, сонгон шалгаруулах журам, загвар батлах тухай” дагуу Стандарт, хэмжил зүйн газрын гүйцэтгэх албан тушаалын сул орон тоог нөхөх сонгон шалгаруулалтын тусгай шалгалтыг Төрийн албаны зөвлөлөөс Стандарт, хэмжил зүйн газарт зохион байгууллаа.
Холбогдох хууль, журмын дагуу Төрийн албаны зөвлөлийн цахим хуудснаа зарыг байршуулж, гүйцэтгэх албан тушаалын 8 ажлын байрны сул орон тоог нөхөх сонгон шалгаруулалтыг олон нийтэд нээлттэй зарласан юм.
Төрийн албаны зөвлөлийн 79 дүгээр тогтоолоор байгуулагдсан Төрийн албаны тусгай шалгалтын комиссын дарга, гишүүд гүйцэтгэх албан тушаалын нийт 8 ажлын байранд бүртгүүлсэн 28 иргэний материалыг хянаж, шаардлага хангасан 23 иргэнийг тусгай шалгалтад хамруулсан байна.
Төрийн албаны тусгай шалгалтыг 2023 оны 06 дугаар сарын 09, 12-ны өдрүүдэд зохион байгуулж, шалгалтын үр дүнг Төрийн албаны зөвлөлийн салбар зөвлөлийн хурлаар хэлэлцүүлэхээр бэлтгэж байна.
