СХЗГ-ын Бүтээгдэхүүн, тогтолцооны баталгаажуулалтын газар нь бүтээгдэхүүн, үйлчилгээ, менежментийн тогтолцооны баталгаажуулалтын үйл ажиллагаагаар худалдаа, үйлдвэр, үйлчилгээ эрхлэгчдийг дэмжих, тэдэнд зах зээл дээр шудрага өрсөлдөх таатай нөхцлийг бүрдүүлэх чиг үүрэгтэй бөгөөд ISO9001; ISO22000; HACCP; ISO14001; ISO45001 стандартын хэрэгжилтийг үнэлэх, баталгаажуулах ажлыг 1994 оноос хэрэгжүүлж эхэлсэн.
Аудитын хөтөлбөрийг хэрэгжүүлэхэд шаардлагатай мэдлэг, мэргэжил, ур чадварыг ажилтнуудад эзэмшүүлэх, чадавхижуулах зорилтын хүрээнд “Менежментийн тогтолцоо(ISO14001; ISO45001 стандарт)-нд хөндлөнгийн аудитыг хэрэгжүүлэхэд анхаарах асуудлууд” сэдэвт цахим сургалтыг Европын холбооны санхүүжилттэй “Монголын худалдааг дэмжих” TRAM төслийн дэмжлэгтэйгээр 2021 оны 6 дугаар сарын 02-04-ны өдрүүдэд амжилттай зохион байгууллаа. Тус сургалтад СХЗГ-ын төв, орон нутгийн орон тооны болон орон тооны бус аудитор, баталгаажуулалтын шийдвэр гаргах үйл ажиллагаанд оролцдог ажилтнууд хамрагдлаа.
Итгэмжлэлийн байгууллагын шалгуур, олон улсын ISO/IEC17021-1; ISO/IEC 22003 стандартаар тогтоосон шаардлагыг тогтвортой ханган ажиллах; баталгаажуулалтыг олон улсын жишигт нийцүүлэн хөгжүүлэх; өөрийн үйл ажиллагаанд итгэх итгэлийг нэмэгдүүлэх боломжийг бүрдүүлэхэд ач холбогдолтой сургалт боллоо.
БҮТЭЭГДЭХҮҮН, ТОГТОЛЦООНЫ БАТАЛГААЖУУЛАЛТЫН ГАЗАР