Дархан-Уул аймгийн ЗДТГ, Стандарт хэмжилзүйн хэлтэстэй хамтран зохион байгуулж буй уг сургалтаар “ISO 9001” стандартын талаарх ерөнхий мэдлэг мэдээлэлтэй болгох, байгууллагуудад чанарын менежментийн тогтолцоог хэрэгжүүлэх, нэвтрүүлэх талаарх мэдлэгийг өгөх юм.
Сургалтыг Мэдээлэл технологи, стандартын лавлагаа, сургалтын төвийн арга зүйч, сургагч багш нар удирдан явуулж чанарын менежментийн тогтолцоо, шаардлагын стандартыг хэрэгжүүлж буй болон хэрэгжүүлэхээр зорьж буй ААНБ-ууд оролцож байна.
Манай улс хүний хөгжлийн индексээр дэлхийд 5-т эрэмбэлэгддэг, Австрали улстай ойролцоо буюу 6500 гаруй стандарттай гэсэн судалгаа байдаг боловч стандартын хэрэгжилтээрээ дэлхийд 96-д жагсдаг байна. Тиймээс энэхүү сургалт нь ААНБ-уудад нэн шаардлагатай гэж Стандарт хэмжилзүйн хэлтсээс үзэж байна.
Сургалтыг ЗДТГ- ын хурлын танхимд 4 дүгээр сарын 11, 12-ны өдрүүдэд явуулна. Сургалтын төгсгөлд мэдлэг бататгах тестийн шалгалтыг авч албан ёсны Гэрчилгээг олгох юм.
