Стандарт, хэмжилзүйн газрын даргын баталсан удирдамжийн дагуу Захиргаа, удирдлагын газрын дарга Б. Ууганбаяраар ахлуулсан ажлын хэсэг Хэнтий, Дорнод, Сүхбаатар аймгийн Стандарт, хэмжил зүйн хэлтсийн үйл ажиллагаа болон Үндэсний аудитын газрын зөвлөмжийн хэрэгжилтэд хяналт-шинжилгээ хийж, мэргэжил арга зүйн зөвлөмж өгч ажиллалаа.

            Энэ үеэр Дорнод аймгийн Засаг дарга М.Бадамсүрэнтэй уулзаж, СХЗХ-ийн тоног төхөөрөмжийг нэмэгдүүлж, үйл ажиллагааг өргөжүүлэх талаар санал солилцсон. Үүний үр дүнд шаардлагатай эталон, тоног төхөөрөмжийн санхүүгийн асуудлыг шийдвэрлэх талаар анхаарал хандуулан ажиллахаа илэрхийллээ.

Мөн Дорнод аймагт үйл ажиллагаа эрхэлж буй Петрочайна дачин тамсаг ХХК-ийн үйл ажиллагаатай танилцаж, удирдлагуудтай мэдээлэл солилцсон ба тус компанийн ашиглаж буй хэмжих хэрэгслийг загварын туршилт, шалгалт баталгаажуулалтад бүрэн хамруулах талаар харилцан тохиролцлоо.

Ийнхүү дээрх аймгуудад үйл ажиллагааны цар хүрээг нэмэгдүүлэх, сахилга хариуцлага, дэг журмыг бүх түвшиндээ анхаарах, төсвийн хэмнэлтийн талаар УИХ, Засгийн газрын шийдвэрийн хэрэгжилтийг чанд мөрдөж ажиллах, хэрэгжилтийг тухай бүр тайлагнаж байхыг үүрэг болгов.