Ази номхон далайн хэмжил зүйн хөтөлбөр (АРМР) олон улсын байгууллагын 2023 оны хагас жилийн уулзалт, хурлын арга хэмжээ гуравдах өдрөө амжилттай үргэлжилж байна.
Өнөөдөр буюу 06.14-ны өдөр ”Удирдах Зөвлөлийн хурал”, “Хөгжиж буй орнуудын хэмжил зүйн байгууллагын (DEC) стратеги, зорилт” семинар боллоо.
“Удирдах Зөвлөлийн хурал”-д нийт 31 хүн оролцсон бөгөөд хаалттай хуралдав.
Харин “DEC-ийн стратеги, зорилт” семинарын үеэр оролцогчид багаар ажиллаж Ази номхон далайн хөгжиж буй орнуудын хүрээлэнгүүдийг чадавхжуулах тэдгээрийн хэрэгцээ шаардлагыг тодорхойлох, АРМР-ийн зүгээс хэрхэн дэмжих, DEC-ийн стратеги, зорилтод оруулах саналуудыг гаргалаа. Энэхүү үйл ажиллагааг ХБНГУ-ын Др.Алексис Хольгер Валки удирдан хөгжөөнт тоглоомоор дамжуулан оролцогч бүрийг идэвхжүүлж, оролцоог тэгш хангахад ач холбогдол өгч зохион байгууллаа.
Ингээд АРМР-ын 2023 оны хагас жилийн хурал, уулзалтын арга хэмжээний өнөөдрийн хуралдаанд Стандарт, хэмжил зүйн газрын 25 төлөөлөгч оролцлоо.
