Ази номхон далайн хэмжил зүйн хөтөлбөр (АРМР) олон улсын байгууллагын 2023 оны хагас жилийн уулзалт, хурлын арга хэмжээ хоёрдох өдрөө амжилттай үргэлжилж байна.

Өнөөдөр буюу 06.13-ны өдөр “Хөгжиж буй орнуудын хэмжил зүйн байгууллагын (DEC) Техникийн хорооны хурал”, “DEC-ийн манлайлал ба удирдлага”, “DEC-ийн стратеги, зорилт” зэрэг хоёр сургалт семинар боллоо.

Тодруулбал, Хөгжиж буй орнуудын хэмжил зүйн байгууллагын Техникийн хорооны хуралдаанд DEC-ийн дарга S.D.I Dias, APMP-ийн дарга Hyunmin Park нар нээж үг хэлсэн юм.

Хуралдаанаар АPMP-ийн техникийн хорооны дарга нарын үйл ажиллагааны талаарх мэдээлэл,  Хөгжиж буй орнуудын хэмжил зүйн байгууллагын (DEC) үйл ажиллагааны болон  санхүүжилтийн тайлан, Ази номхон далайн хэмжил зүйн хөтөлбөр (АРМР) болон Хууль эрхийн хэмжил зүйн байгууллага (APMFL)-ын веб сайтыг хэрхэн сайжруулах, АPMP-ийн хөгжиж буй орнуудын СМС буюу хэмжлийн чадавхыг нэмэгдүүлэх талаарх ажлын хэсгийн мэдээлэл зэргийг хэлэлцлээ.

Түүнчлэн Хөгжиж буй орнуудын Хэмжил зүйн хүрэээлэн байгууллагын бусад ажлын хэсгийн уулзалт, ХБНГУ-аас АPMP-тэй хамтран хэрэгжүүлж буй МЕДИА төслийн товч тайлан мэдээллийг хэлэлцсэн. Ингээд 2023 оны 11 дүгээр сард зохион байгуулагдах Ази номхон далайн хэмжил зүйн хөтөлбөр (АРМР) олон улсын байгууллагын ерөнхий хуралдааны үеэр дараагийн ээлжит хуралдаанаа хийхээр боллоо.

Харин “DEC-ийн манлайлал ба удирдлага” семинарын үеэр Ази номхон далайн орнуудын хүрээлэнгийн дарга нарт АРМР-ийн хөгжиж буй орнуудын хүрээлэнг хэрхэн удирдан манлайлах вэ? Сэдвийн хүрээнд сургалт, мэдээлэл танилцуулга хийсэн юм.

Өнөөдрийн хуралдаанд Стандарт, хэмжил зүйн газрын 20 гаруй төлөөлөгч оролцлоо.